Ќе замине ли ‘Chanel 5′” во историјата?
Објавено во: Стил 16 Февруари, 2014
Да се ограничи употребата на некои состојки на славните парфеми и природна козметика, предложи Европската комисија, а во некои случаи и во целост да се забрани, поради голем ризик од алергии.
Доколку овој предлог се прифати големите европски производители на парфеми и природна козметика ќе мора да го променат составот на своите производи, со цел да се заштитат 15 милиони Европејци за кои се проценува дека имаат кожна алергија.
"Ова не е насочено кон некој одреден парфем, не станува збор за забрана на 'Chanel 5'", изјави комесарот за права на потрошувачите Невен Мимица, додавајќи дека производителите ќе имаат меѓу две и пет години да се прилагодат на новите прописи.
Листата на забранети и ограничени состојки во козметичките производи не е ревидирана уште од 2003 година, поради што Европската комисија побарала проценка.
