Ќерката на Талат Џафери ќе врши надзор на парно греењето на скопјани
Објавено во: Економија 04 Август, 2022
АД ЕСМ ги регистрираше трите компании со кои ќе се пријави на владиниот оглас за превземање на парно-греењето на Скопје на местото на Балкан Енерџи Груп. Дејноста на сите три претријатија е снабдување со пареа и климатизација на адреса на управата на државните електрани.
За таа цел формирани се три субјекти - ЕСМ снабдување со топлина која ќе ги наплатува сметките, ЕСМ дистрибуција на топлина која ќе ја превземе топловодната мрежа и ЕСМ производство на топлина што ќе треба да пронајде начин како со набавка на природен гас ќе затоплува околу 60.000 скопски домаќинства.
Месуд Јакупи (ИТ администратор), шефот на изборниот штаб на ДУИ во Студеничани, доби шестмесечен мандат како директор на ЕСМ снабдување со топлина, а во надзорниот одбор членуваат битолчанецот Петар Петровски, ќерката на претседателот на Собранието, Талат Џафери, Бесиана Џафери Беќири од Чаир и Зорица Гиовска од Гази Баба.
Во најважното претпријатие - ЕСМ производство на топлина за директор е назначен кичевчанецот Златко Пиперкоски, електроинженер кој лани беше разрешен од позицијата директор на РЕК Осломеј. Надзорниот одбор е составен од Соња Стефановска и Љубчо Кижевски од Скопје и Валбона Халили од Кичево.
За директор со мандат од шест месеци во ЕСМ дистрибуција на топлина е назначена Менка Јовановска од Битола како дипломиран машински инженер, а тројцата членови на Надзорниот одбор се Александра Маројевиќ, Џевит Ковачи и Билјана Николова, инаку сите од Скопје.
Владата го задолжи АД ЕСМ – Скопје да основа три трговски друштва со ограничена одговорност што ќе вршат производство, дистрибуција и снабдување со топлинска енергија за подрачјето на Град Скопје. Ваквиот чекор следи откако Регулаторната комисија за енергетика и водни услуги (РКЕВУ) ги одзеде трите лиценци на компанијата БЕГ за производство, диструбуција и снабдување со топлинска енергија.
Владата на РСМ ќе треба да го распише јавниот повик за избор на нова компанија што ќе ги дава услугите за кои досега беше задолжен БЕГ, на кој веќе е сигурно дека ќе се јави АД ЕСМ. Во меѓувреме генералниот директор Васко Ковачевски рече дека овие претпријатија ќе се потпрат на сопствени кадри, но и ќе превземат вработени од БЕГ.
А.К.
* Наградата се доделува на котирано друштво, избрано со гласање преку онлајн анкета на веб страниците на Берзата и интернет порталот „Фактор“, кој е партнер на Берзата во доделувањето на оваа награда. Гласањето се врши паралелно на двете веб страници и акцијата на издавачот што ќе има најмногу гласови од двете анкети збирно, ќе биде прогласена за Акцијата на годината по избор на јавноста за 2023 година.
Предмет на анкетата е листа од десет котирани акции, избрани врз основа на остварениот промет и транспарентноста во нивното работење.
Можеби ќе ве интересира
Заеднички со Унгарија ќе се бориме против таксата на Бугарија за руски гас
ШЕСТ МИЛИОНИ ЕВРА ПЛАТЕНИ ЗА ЕДЕН ДЕН - „Крејон Македонија“ ја доби првата „сочна“ исплата за сајбер одбраната по новиот договор
СИТЕ САКААТ ДА БИДАТ „ФРИЛЕНСЕРИ“ - Кои се предностите на „гиг“ економијата
„Вози Мишко“ од јули до септември! 74.000 Македонци избрале автобус на летување на море и шопинг во странство
Бислимовски: Од утре официјално дневна евтина тарифа за струја
Генерали инвестментс: Црн петок и продажба од 9,8 милијарди долари во САД ?️
ГЕРМАНСКАТА ЕКОНОМИЈА ТОНЕ ПОРАДИ ЕДЕН МНОГУ ВАЖЕН ФАКТОР: Недостиг има кај 80 отсто од компаниите
Ниту небото не е лимит за нив! Во која државна фирма просечната плата изнесува 2.500 евра?
УЈП со решенија за осум блокирани сметки на компании кои не платиле солидарен данок
