Ќерката на заменик-министерката Маја Манолева ќе му продава струја на ЕСМ
Објавено во: Економија 02 Февруари, 2024
Ќерката на заменик-министерката за здравство Маја Манолева, Тина Манолева, како млад електротехнички инженер стана директор на Соле 24, новоетаблирана компанија за тргување со електрична енергија во Македонија, која истовремено редовно му продава големи количества струја и на ЕСМ.
Од минатата недела младата Тина Манолева е поставена за нов управител на компанијата, која доби лиценца за тргување со електрична енергија во 2021, по што во 2022 брзо се етаблираше во една од најголемите компании за продажба на струја на слободниот пазар во земјата.
Станува збор за странска компанија зад која како сопственик стои албански државјанин, а лани ова друштво се пријави меѓу првите учесници да тргува со електрична енергија на формираната берза-ден однапред
Во последните година дена Соле 24 редовно се јавува на повиците на ЕСМ за набавка на електрична енергија кога производството не може да ги задоволи потребите, а тоа го прави често во последно време. Државните електрани знаат месечно да потрошат и по неколку милиони евра за купување електрична енергија од приватните снабдувачи, а Соле 24 речиси постојано е еден од понудувачите на набавките заедно со трговци од типот на ЕТМТ, ГЕН-И, Футуре Енерџи, Данске Комодитис, Дуферко и други.
Пред десетина дена ќерката на заменик-министерката Манолева е основач и на фирма која првично треба да се бави со угостителство. Тина Манолева и нејзиниот брат Андон Манолев ја регистрирале „Кабранти“ со подружница СКП 5 17 што треба да претставува кафе-бар во новоотворениот Дајмонд Мол во Скопје. Партнери на ќерката и синот на Манолева се Бранкица и Катерина Тунџеви, ќерките на Борис Тунџев, долгогодишниот директор на Агенцијата за катастар на недвижности.
Маја Манолева пред една година беше назначена за заменик на министерот во Министерството за здравство а на функцијата дојде како директор на јавната здравствена установа Завод за физикална медицина и рехабилитација.
А.К.
* Наградата се доделува на котирано друштво, избрано со гласање преку онлајн анкета на веб страниците на Берзата и интернет порталот „Фактор“, кој е партнер на Берзата во доделувањето на оваа награда. Гласањето се врши паралелно на двете веб страници и акцијата на издавачот што ќе има најмногу гласови од двете анкети збирно, ќе биде прогласена за Акцијата на годината по избор на јавноста за 2024 година.
Предмет на анкетата е листа од десет котирани акции, избрани врз основа на остварениот промет и транспарентноста во нивното работење.
Можеби ќе ве интересира
(ВИДЕО) За една недела започнува со работа метрото во Солун, ќе функционира без возачи
ЛОШИ ВЕСТИ ПРИСТИГНАА И ЗА ВРАБОТЕНИТЕ ВО БОШ: Еве каква информација добија
Катар ервејс размислува да ги преземе поранешните А330 на Американ ерлајнс
UNIQA Insurance Group AG го продава осигурителниот бизнис во Македонија, Косово и Албанија: Новиот сопственик е Авни Понари сопственик на SIGAL Group Austria
Бизнисот за финансирање има уште само 15 милиони евра пари од странство додека се чека унгарскиот кредит
СТОКАТА СЕ ПОВЕЌЕ СЕ ПРЕНЕСУВА СО КАМИОНИ МЕСТО СО ВАГОНИ – тројно намален превозот по пругите
ДАЛИ ЕТИАС ГАРАНТИРА ВЛЕЗ ВО ЕВРОПА? Ќе се „чешлаат“ апликантите, еве дали ќе добијат дозвола да влезат
„БАЛОНОТ ЌЕ ПУКНЕ“: Познат инвеститор предупредува дека претстои голем колапс на берзата
ОВОЈ ЈУГОСЛОВЕНСКИ МОДЕН ГИГАНТ СЕ СРАМНУВА СО ЗЕМЈА: И Јованка Броз им ги носеше чантите, а имаа 1.300 вработени
