Кои 20 професии доминираат во Европа?
Објавено во: Економија 08 Август, 2025 20:17
Пазарот на трудот во Европа се менува брзо - технолошките иновации и недостигот на квалификувани работници ја трансформираат побарувачката. Најновите податоци откриваат кои сектори и занимања се најбарани во водечките европски економии.
„Еуроњуз бизнис“ ги анализираше 20-те најбарани професии врз основа на податоци од глобалната платформа за вработување Indeed, која ги опфаќа пазарите на Велика Британија, Германија, Франција и Холандија, во периодот од март до мај 2025 година.
Менаџерските позиции, работа за инсталација и одржување се постојано меѓу првите пет во сите четири земји, што ги прави најбарани работни места во Европа.
Работните места за инсталација и одржување сочинуваат 14,5 отсто од огласите во Германија (најголем удел), 9 отсто во Холандија (второ место), 6,9 отсто во Франција (четврто место) и 5,7 отсто во Велика Британија (петто место).
Одржувачите извршуваат широк спектар на поправки на инфраструктура, опрема и алатки, обезбедувајќи непречено функционирање на различни сектори. Поради универзалната потреба за овој профил, оваа професија се смета за стабилен кариерен избор.
Инсталаторите инсталираат системи и уреди во компании и домаќинства, а побарувачката за нив е голема во различни индустрии.
Менаџерските позиции сочинуваат 10,2 отсто од огласите во Велика Британија (второ место), 10,1 отсто во Холандија (прво место), 7,6 отсто во Франција (трето место) и 6,4 отсто во Германија (четврто место). Огласите за продажба сочинуваат 9,9 отсто во Германија (второ место), 9,2 отсто во Франција (прво место), 8,5 отсто во Холандија (трето место) и 6,7 отсто во Велика Британија (исто така трето место).
Indeed нагласува дека повеќето компании зависат од квалификувани продажни тимови за да генерираат приходи и да постигнат раст.
Секторите за храна, администрација, софтвер и здравствена заштита се исто така на врвот.
Секторот за подготовка и послужување храна бележи високи удели:
10,4 отсто во Велика Британија (највисок меѓу сите сектори),
7,8 отсто во Франција (второ место),
5,9 отсто во Холандија.
Административната поддршка е исто така многу барана:
7,2 отсто во Германија,
4,7 отсто во Велика Британија,
4,4 отсто во Холандија,
3,6 отсто во Франција.
Развојот на софтвер е шести по побарувачка.
Понатаму се редат лекари, чистачи, наставници, грижа за деца, сметководство, градежништво и друго.foto freepik.com
* Македонска берза и оваа година во соработка со Фактор доделува повеќе награди во различни категории за „Акција на годината“ при тргувањето со хартии од вредност.
Еден од критериумите за доделување на признанијата ќе биде и мислењето на јавноста. Гласањето ќе се одвива до 12 декември, а предвиден термин за доделувањето на самите награди е 23 декември.
Од таму, може да гласате за едно од следните котирани друштва:
Можеби ќе ве интересира
ПО ИНЦИДЕНТОТ СО ТУРЦИ ВО ПОДГОРИЦА: Во ноември, секој ден се затвораше по една турска компанија
Цената на кафето расте, но луѓето не се откажуваат од својот омилен напиток
Како да се одреди вистинската плата за новoто работно место?
Германија тоне во најлошата криза од 1945 година, индустријата се соочува со проблеми
Цени во најсеверната продавница во светот, поевтино е од САД
Хрвати се иселиле во Полска, тврдат дека земјата е драстично подобра од Хрватска
Обидот за увоз на берачи од Бангладеш и Пакистан не успеа во соседството
БДП СЕ ЗГОЛЕМИ ЗА 3.8 ОТСТО: Кои сектори се со најголем раст?
