Кои акции се „бест бај“ на нашата берза?

Добивај вести на Viber

Седум акции на котирани компании за првите девет месеци најправија промети поголеми од еден милион евра. Пет од нив имаат значајни или големи растови на просечните пазарни цени во споредба со лани, а „Макпетрол“ е рекордер со раст од 52 отсто. Деветмината величествени се: „Комерцијална банка“, „Алкалоид“, „Макпетрол“, НЛБ Банка, „Гранит“, „Стопанска банка Скопје“, „Охридска банка“, ТТК Банка и „Стопанска банка Битола“ . Во групата „најжешки“ се акциите на шест банки и по една фармацевтска, градежна и трговска компанија

Седум акции кои се тргуваат на некој од сегментите на Официјалниот пазар на нашата берза за првите девет месеци годинава направиле промет поголем од еден милион евра, покажува официјалната статистика на пазарниот оператор. Инвеститорите во акции, преферирале да вложат над 53 милиони евра во период од девет месеци во седумте најтргувани акции на нашата берза.

„Комерцијална банка“ е најтргуваната акција на нашата берза. Нејзиниот промет за првите девет месеци е 13,9 милиони евра (од кои околу 2 милиони евра се влог на фирмата на Ванчо Чифлиганец н.з.). Просечната цена на акцијата на оваа банка пораснала за 11 отсто на годишно ниво. Нејзината нето добивка за првите девет месеци е над 21 милиони евра и тука е една од клучните причини заради кои оваа акција е „бест бај“ за првите девет месеци годинава.

Акцијата на „Алкалоид“ се бара и се цени како лек! Прометот со таа хартија од вредност достигна 12,1 милиони евра за девет месеци, а нејзината просечна годишна цена порасна за 35 отсто. Прометот на таа акција надмина 12 милиони евра, а добивката за 9 месеци е 12 милиони евра.

Во големата тројка се најде акцијата на најголемата трговска компанија во земјава „Макпетрол“. Оваа акција има најголем раст на популарноста. Доказ за тоа е што нејзината просечна годишна пазарна цена порасна за 52 отсто. Добивката на компанијата за првите девет месеци е 9,4 милиони евра колку што е прометот со таа акција за првите девет месеци.

НЛБ Банка е четврта најтргувана акција и втора банка во петте најтргувани акции на нашата берза. Прометот за првите девет месеци е 6,7 милиони евра, добивката е 23,7 милиони евра, а просечната годишна пазарна цена на таа акција пораснала за 17 отсто.

Најголемата македонска градежна компанија е петтата омилена акција на инвеститорите. Нејзиниот промет е 3,5 милиони евра за девет месецисо 27 отсто раст на просечната годишна пазарна цена. Нето добивката на „Гранит“ е 2,8 милиони евра .

Според официјалните достапни податоци во најтргуваните девет акции се и следните банки:

Р.Ф.