Кои две земји го делат првото место по сиромаштија во ЕУ?

Добивај вести на Viber

Романија и Бугарија го делат првото место во Европската унија по сиромаштија и социјално исклучување.

Во 2014 година 40% од населението во овие земји било во таква ситуација, се вели во извештај на статистичката служба на ЕУ, Еуростат.

Во Чешка во ризик биле 14,8% од граѓаните, во Холандија - 16,5%, а во Шведска - 16,9%, или помалку од половина во споредба со Романија и Бугарија, се наведува во извештајот.

Според истражувањето, има разлики помеѓу податоците за 2014 и 2008 година.

„Некои земји забележаа вистински напредок во интеграцијата на најранливите членови на општеството. Намалувањето на ризикот од сиромаштија и социјално исклучување  се движи од 0,1 до 5,8 процентни поени. Земјите членки, кои постигнале најголем напредок, се Полска (намалување од 5,8 процентни поени на 25 %), Романија (со 0,4 процентни поени) и Словачка (2,2 процентни поени до под 20%). Некои држави регистрираат раст во бројот на луѓето со ризик од сиромаштија и социјална исклученост. Земјите со најголемо зголемување се Грција, Шпанија и Естонија, каде што бројот на луѓето во ризик е зголемен меѓу 4 и 8 процентни поени "- се вели во извештајот.

Една четвртина од романските домаќинства, односно 32.8%, не се во состојба да ги покријат трошоците со вкупните нето месечни примања од 2015 година.