Кои фирми добивале пари за чистење на канали?

Добивај вести на Viber

За пет години, Министерството за земјоделство потрошило околу 3,5 милиони евра за чистење на канали. Парите завршиле на сметките на приватни фирми, а според обвинувањата од опозицијата дел од нив се на сметките на фирмите што се дел од групацијата на лидерот на Социјалистичката партија, партија што раководи со министерството. Официјалните податоци, добиени од Министерството за земјоделство покажуваат дека најмногу пари за оваа намена се потрошени во 2014 година, а најмалку во 2011 година. Односно, вредноста на склучените договори во 2010 година изнесувала 309 илјади евра, во 2011 година сумата е 81 илјади евра, во 2012 година за оваа намена се потрошени 427 илјади евра, во 2013 година се склучени договори вредни 656 илјади евра, во 2014 година сумата изнесува 1,6 милиони евра, а во 2015 година е 352,1 илјади евра. Од оваа година, договорите за чистење на каналите ги склучува АД Водостопанство на РМ. Ова е листата на фирми кои ги добивале тендерите за чистење на каналите: Неодамна опозицијата преку својот дополнителен заменик министер Љупчо Николовски обвини дека најголем дел од парите се слеани на фирмите на Љубисав Иванов - Ѕинго. Фактот дека ресорот земјоделство го води кадар на Социјалистичката партија на Љубисав Иванов –Ѕинго, а неговите фирми од една страна добиваат тендери за чистење на канали, а од друга страна се случуваат поплави поради неисчистени канали, и поради тоа повторно од буџетот им се исплаќаат милионски суми за санирање на штетите од таквите поплави за опозицијата е доволен да се зборува за конфликт на интереси при доделувањето на тендерите, но и не неодговорност во трошењето на парите. На ваквите обвинувања од ресорното Министерство посочуваа дека тендерите се водени согласно сите законски процедури, а победувале фирмите кои имале најдобри понуди. Последните поплави од минатиот месец, кои завршија со човечки жртви, само уште повеќе ја отворија дилемата околу одговорноста за неисчистените канали. Дел од жителите, но и опозцијата токму проблемот со неисчистените канали го потенцираше како една од причините, посочувајќи дека штетите би биле помали, ако каналите биле исчистени. Освен за чистење на канали, милионски суми се потрошени и за чистење на речни корита.. Наташа Стојановска