Европа 92 „лапна најтежок“ дел од тендерот за учебниците

Добивај вести на Viber

Министерството за образование и наука ќе плати 5,7 милиони евра на пет домашни фирми кои треба да преведуваат, лекторираат, уредат и да испечатат учебници за основно и средно образование за следната година. Договорите за јавната набавка се веќе објавени, но станува збор за рамковен договор кој ќе биде склучен откако одбраните фирми ќе достават и банкарски гаранции.

Во девет одделни дела впрочем Министерството склучува договори со пет фирми од кои најголемиот го има кочанската печатница Европа 92. Имено ако вредноста на вкупната набавка е 5,7 милиони евра или 348 милиони днеари, Европа 92 треба да испечати учебници за 2,6 милиони евра или безмалку една половина од вкупните средства.

Сепак одбрани се и четири други фирми – Арбериа Десигн од Тетово партиципира во три договори или треба да испечати учебници во вкупна вредност од безмалку 1,6 милиони евра. Арс Ламина склучува три договори со вкупна вредност на набавката од 29,3 милиони денари или 476 илјади евра. По еден договор има со Полиестердеј кој вреди 42 милиони денари или 683 илјади евра и со Арс Студио Тамара која добила договор вреден 17,7 милиони денари или 28,7 илјади евра.

Спогодбите се рамковни се бара печатење и дистрибуција на учебниците во различен тираж, различен за секоја од фирмите.

А.Т.