Кои хороскопски знаци се најдобри за сериозна врска?

Добивај вести на Viber

Проблемот со долгите врски најчесто настанува во моментот кога страста почнува да избледува. Па, како што постојат луѓе кои остануваат и се борат за таа повторно „да живне“, така има луѓе кои се откажуваат и си заминуваат.

Во која група спаѓате вие – во првите, кои се идеални за долги врски или од оние вторите, со кои е невозможно да се посигне долгорочна љубов?

Хороскопот може да ви открие:

Овен

Склони се кон нагло одлучување со кој и кога сакаат да се врзат, односно импулсивно се впуштаат во емотивни односи. Проблемите настануваат кога страста ќе почне да се гаси. Ако не успеат да ја вратат, многу лесно можат да ја прекинат врската. На Овните им е важно да чувствуваат силни импулси, желба и динамика во односот, затоа што единствено така може да трае.

Бик

Биковите обожаваат долги и сериозни врски од проста причина – ја сакаат стабилноста и секогаш сакаат да знаат на што се. На нив им е важно партнерот да им биде верен и врската да биде сериозна, па дури и по цена да е здодевна понекогаш. Дури и ако се изгубат страстите тешко ја прекинуваат врската затоа што не сакаат промени.

Близнаци

Близнаците по природа се променливи, сакаат да фантазираат, па многу лесно ги менуваат емоциите и мислењата. Тие често сакаат да предизвикаат љубомора кај партнерот флертувајќи со други, но само за да си поиграат. Важно им е да им биде постојано забавно, но и да имаат добра комуникација со партнерот. Ако нешто од тоа недостасува, лесно го менуваат стариот партнер за нов.

Рак

Раковите се едни од најемотивните знаци, но исто така знаат да бидат и пресметливи кога нив им одговара. Тие се идеални кандидати за сериозна врска затоа што сакаат емотивна стабилност. Меѓутоа, исто така долго знаат да патат и да трпат во лошите врски, затоа што не знаат како да ги прекинат.

Лав

Лавовите имаат силно и емотивно срце, заради кое се во состојба да сакаат до срж. Меѓутоа, пред да ја пронајдат вистинската личност може да експериментираат со повеќе кратки врски, па дури и да бидат промискуитетни. Но, за среќа кога Лавот сака нешто сериозно, јасно го покажува.

Девица

Девиците се уште еден променлив знак. Сакаат емотивна стабилност и сакаат да имаат сериозна врска, но ако случајно направат грешка во процената на личноста, лесно ја менуваат. Иако сакаат да им угодуваат на другите, сепак овој знак секогаш на прво место се става себеси и своите потреби. Се задржуваат во долги врски само кога нив така им одговара.

Вага

Вагите сакаат постојано да имаат партнер до себе затоа што не ја сакаат самотијата. Лесно влегуваат во нови врски. Важно им е да добиваат комплименти и сакаат партнери кои го хранат нивното его. Одлични кандидати се сериозни врски, но пред да се врзат сакаат да играат топло-ладно.

Скорпија

Скорпиите се целосно предадени кога искрено сакаат, го даваат максимумот и секоја емоција ја вложуваат во врската. Се трудат да бидат верни и во тоа успеваат само ако се заљубени. Ако откријат лага или неверство, не простуваат и се одмаздуваат. Не е лесно да се биде во врска со Скорпија која сака се да има под контрола, вклучувајќи го и самиот партнер.

Стрелец

Ова е знакот со кој најтешко може да остварите сериозна врска. Тие сакаат и сметаат дека можат, но само во теорија. Во пракса се нервозни кога ќе помислат дека мораат да бидат со само еден човек. Не сакаат монотонија. Со нив може да имате сериозна врска само ако сте подготвени на разбирање за нивните хирови.

Јарец

Уште еден одличен кандидат за сериозна врска е Јарецот. Кај него се е по правила, па кога ќе вложат емоции очекуваат истите да ги добијат од партнерот. Одлични се за брак, затоа што се посветени и семејството им е на врвот на приоритети.

Водолија

Водолијата малку потешко ќе ја убедите да влезе во сериозна врска. Меѓутоа, ако успеете во тоа, имајте на ум дека нив пријателството им е на прво место. Ако сакате да остварите сериозна врска со Водолија, сметајте дека мора да бидете пријатели, па потоа љубовници. Покрај тоа, мора да ја трпите нивната егоцентрична природа од која не се откажуваат до крајот на животот.

Риби

Рибите може лесно и непромислено да се впуштат во љубовна врска, ако чувствуваат пеперутки во стомакот. Тие се романтичари кои имаат потреба од секојдневно внимание. Ако чувствуваат дека ги игнорирате нивните емотивни потреби и им ја крадете слободата, од рај, врската може да ви се претвори во пекол.