Кои проекти се чекаат: И до април Владата не потрошила многу за капитални проекти
Објавено во: Економија 29 Мај, 2018
Владата потрошила во првите четири месеци безмалку 11 отсто од парите предвидени за капитални проекти годинава. Министерството за финанансии ги објави податоците за реализација на буџетот до април според кои во овој дел има мало раздвижување во оваа ставка, кое сепак не е доволно. Така ако во првиот квартал или во првите три месеци беа реализирани 7,4 отсто од капиталните проекти за само еден месец реализацијата се искачи до 10,92 проценти. Но остануваат уште осум месеци во кои треба да се потрошат сите предвидени пари. А на капиталните проект се темели во најголем дел и очекуваниот раст на домашната економија годинава. Познавачите очекуваат проекцијата да биде намалена со најавениот ребаланс на буџетот.
Според податоците државата потрошила за четири месеци 42,8 милиони евра за капитални проекти, додека заклучно со март за таа намена беа потрошени само 29 милиони евра. За цела година во годишнешниот буџет Владата испланира з акапитални проекти да потроши 393 милиони евра.
Во неодамнешниот дуел на јавниот сервис со лидерот на опозицијата Христијан Мицкоски, премиерот Зоран Заев изјави дека реализацијата на капиталните проекти е слаба затоа што немало добри проекти.
„Затекнавме искривоколчени проекти како за автопатот Кичево-Охрид којшто и ден денеска не можеме да го решиме. Работевме цела зима на проекти. Продолжуваме чесно да работиме и резултатите ќе дојдат и од крајот на мај ќе почне засилена реализација на капиталните проекти“, рече Заев.
Инаку според најновите податоци за реализација на буџетот, заклучно со четвртиот месец државата собрала 31,25 отсто од вкупните приходи, а потрошила 29,76 отсто од планираните расходи за годинава. Буџетскиот суфицит изнесува 41,3 милиони евра, што значи дека државата за четири месеци потрошила безмалку 14 отсто од планираниот минус за годинава.
А.Т.
Можеби ќе ве интересира
ФАКТОР АНАЛИЗА: Скопските ИТ компании доминираат со направените добивки кај програмерите
ЕКОНОМСКИ НАПРЕДОК: За две децении 10-те „нови членки“ на EУ го удвоија својот БДП
„Ќе забават инвестициите на германските компании во Македонија“: бизнис климата ја оценуваат како добра, но недостига стручен кадар
ФАКТОР АНАЛИЗА: Најголеми компании по добивка во Струмица - Панче Заев и Г'на дебитанти
ИЗМАЧУВАЧКО БАВНО ЗАКРЕПНУВАЊЕ: Европската комисија ја намали економската прогноза за Германија
Меѓународните туристи добиваат подобро искуство за патување со преференцијалните мерки на Кина
ЗА ДОБРА ГОЛТКА ВИНО СТРАНЦИТЕ НЕ ЖАЛАТ ПАРИ, „ТИКВЕШ“ СО ПРИХОД ОД НАД СЕДУМ МИЛИОНИ ЕВРА - еве колку е чистиот профит за три месеци
СЕ БЛИЖАТ ОДМОРИТЕ: Уживањето на плажа се плаќа на рати
АЗЕСКИ НА СРЕДБА СО РАКОВОДСТВОТО НА „КОСТАЛ ГРУПАЦИЈАТА“ ОД ГЕРМАНИЈА
