Добивај вести на Viber
Експлозијата во Брисел покажа дека Исламска држава ја држи на нишан Европа, за што има повеќе причини, пишува весникот Тајм.
1. За терористичките напади имаше подготвен терен. Се почна во пролетта 2014 година кога француски државјанин поврзан со ИСИС пукаше во Еврејскиот музеј во Брисел. Потоа следеше нападот на весникот Шарли Ебдо и нападите есента во Париз, кога загинаа над 185 луѓе. ИСИС организираше над 75 напади во 20 земји, без да се сметаат Ирак и Сирија. Освен за Блискиот Исток, ИСИС станува закана за светот.
2. На некој начин Европа стана база за врбување на борци за ИСИС. Од 2012 до 2015 година повеќе од 400 луѓе од Белгија заминале во Ирак и Сирија, да се борат на страната на ИСИС. За истиот период од Франција заминале 1200 луѓе. На овој начин Париз и Брисел станаа градови од каде заминуваат милитанти.
3. Мигрантската криза не престанува и неа ИСИС ја користи за врбување. Во 2015 година во Европа стигнале над милион бегалци, а само оваа година 135.000. Кризата со мигрантите е одлична можност да се направи раздор меѓу Западот и муслиманите. Многу од лидерите кажаа дека ќе прифаќаат само бегалци христијани.
4. ИСИС го користи расколот во Европа. Ангела Меркел, германската канцеларка конечно постигна договор со Турција, ветувајќи им безвизен режим. По нападите во Брисел, европјаните негодуваат затоа што ќе можат Турците да се шетаат непречено по Европа. Некои лидери веќе бараа враќање на внатрешните граници во ЕУ. Тоа може да стави точка на шенгенот и да го доведе во прашање целиот европски проект.
5. Европа ја ослабнува и референдумот за Велика Британија, и ако оваа земја излезе од ЕУ, тоа ќе го стави под знак прашалник постоењето на ЕУ. Лидерите на ИСИС имаат многу можности да ја дестабилизираат Европа.