Кои се милионерите во Ресен

Добивај вести на Viber

Убедливо најголем е „Свислион“ кој преку својата аквизиција „Агроплод“ оствари приход од над 14 милиони евра и профит од 1 милиони евра. Во најголемите ресенски компании се вбројуваат уште една транспортна фирма, две фирми за трговија со овошје, трговски малопродажни компании, производители на сокови, мед и мармелади

Ресен, престолнината на јаболката, градот на Преспанското езеро, македонска историска гордост. Ресен градот во кој , заедно со Солун и Битола, започнала прочуената младотурска револуција. Ресен градот што го дал Христо Татарчев, основачот на внатрешната македонска револуционерна организација, и град од кој потекнува Андреј Љапчев, министер за војна, а потоа и премиер на Бугарија во периодот од 1926 до 1931 година.

Ресен е центар на македонската култура и самобитност, сега помалку заборавен град чии жители имаат на многу што да бидат горди затоа што е центар на Преспа природната убавица – гордост на Западна Македонија благодородна котлина со родна почва и прекрасно езеро распослана меѓу планините Баба и Галичица. И покрај неописливите убавини и природни богатска Ресен и Преспа биле и ќе останат печалбарски краеви заради специфичниот сплет на мноштво социјални, културолошки и економски фактори кои биле и останале катализатори на економската миграција.

Ресен во нашата актуелност останува мал град во земјоделски регион кој иако има силен културен, туристички и земјоделски потенцијал не бележи значаен економски напредок.

Најголема ресенска компанија е прехранбената индустрија Свислион Агроплод која по аквизицијата на ресенскиот гигант го задржа името Агроплод. Оваа компанија е најголема во тој регион. Во 2018 година нејзините приходи изнесувале 13,2 милиони евра, а добивката изнесува 846.500 евра. Компанијата е поседувана од скопската фирма „Свислион ДОО“ македонска испостава на гигантот „Свислион“.
Сведуваат неколку празни места и второрангираната компанија чија дејност е товарен транспорт. „ЛукаАда Транс“ во 2018 година остварила приход од 2,8 милиони евра и добивка од 276.000 евра што е профитна маргина од 10 отсто. Оваа компанија е во сопственост на фирмата „ГОМИ 96“ која пак е сопственост на Драги Филиповски.

Трета според остварен приход е локална компанија за трговија на мало со специфично име „Мицале“. Прометот на оваа фирма изнесува 2,5 милиони евра, а добивката е 143.000 евра.  Таа третото место го дели со „ВитаРес“ компанија регистрирана за производство на сокови од овошје и зеленчук. Фирмата чии сопственици се физичкото лице Љупчо Стојчевски и фирмата „Фруит Џуице“ во 2018 година остварила приход од 2,5 милиони евра и профит од 140.000 евра.

Следуваат две компании кои се занимаваат со трговија на овошје, а претпоставувате дека основната дејност им е трговија со јаболка. Поуспешната во 2018 година била Румко 91 која остварила приход од 2,3 милиони евра и има добивка од 171.000 евра. Нејзиниот ривал е Агро Мото Трејд со приход од 1,9 милиони евра и добивка на крај на 2018 година од 20.000 евра.

Земјоделската компанија на Свилион ДОО , „Свислион Аграр“ остварила добивка од 176.000 евра од приходот што изнесувал 2,1 милиони евра. Значи македонски „Свислион“ ДОО од ресенските фирми остварил профит што надминува 1 милиони евра.

Следува компанијата со специфично име Мала Преспа која се занимава со трговија на мало со метал, бои, стакло. Нејзин сопственик е Васил Јанковски, а приходот изнесува 1,7 милиони евра од што добивка е 112.000 евра.

За нијанса помал приход остварила малотрговската компанија од село Јанковец БМ 5 сопственост на Бранко Јовчев. Нејзниниот приход изнесува 1,6 милиони евра и има најмала добивка од сите рангирани компании – таа изнесува околу 1.000 евра.  

Тука е и ресенската компанија која секогаш асоцира на „детска радост“ од нашето детство. Тоа е РЕС – КОМ компанија која е позната по своите мини пакувања на мед и различни мармалади кои се достани во рестораните на хотелите особено за појадок. Оваа компанија во 2018 година остварила приход од 1,5 милиони евра и профит од 150.000 евра. Компанијата е во сопственост на Биљана Шљахова.

Во групата милиони е и една леарница. Станува збор на Леарница за алуминимум и цинк сопственост на Мирко Башиќ и Евгениј Алексеев. Нивниот приход изнесува 1,1 милиони евра, а добивката е 26.000 евра.

Во групата милионери од аспект на остварен приход се уште и: Смрчак Агро компанија за собирање шумски плодови со приход од 1,1 милиони евра и добивка од 1.300 евра и Агро Гавро фирма за трговија со земјоделски машини со остварен приход од 1,05 милиони евра и профит од 75.000 евра.

Р.Ф.