Кои земји најмногу продаваат, а кои купуваат оружје

Добивај вести на Viber

Големите сили континуирано го зголемуваат производството и продажбата на оружје и понатаму се далеку пред Европа.

Најголем произведувач на оружје се уште се САД кои држат третина од пазарот на оружје и се пред Русија и Кина, додека Европа нагло го губи замавот, соопшти Меѓународниот институт за истражување на мирот од Стокхолм.

Во областа на испорака на оружје, САД се далеку пред останатите – уделот на Американците пораснал на 33% за разлика од 29% во периодот од 2006-та до 2010-та година.

Американските производители на оружје продаваат буквално се – „САД продале или подариле огромна количина на оружје во последните пет години во 96 земји ширум светот. Американската индустрија за оружје, покрај тоа, се подготвува за големите нарачки од кои што треба да продаде 611 борбени авиони F-35 на девет земји“, соопштија од шведскиот институт.

Русија е на второ место која исто така го има зголемено со 3% и нејзиниот удел и достигна 25%.

Трета е Кина со 5,9% (пораст од 2.3%), следи Франција со 56% (-1.5%) и Германија со 4,7% (-6.3%).

Овие 5 држави заедно контролираат 74% од извозот на оружје се споменатиот период.

Најголемиот светски купувач на оружје е Индија, а нејзиниот најголем снабдувач е Русија, а не Америка.

Индија од 2011 до 2015 година купила дури 14% од вкупната продажба на оружје во светот. После Индија, најголеми увозници на оружје се Кина, Саудиска Арабија, Обединетите Арапски ЕМирати, Австралија и Турција.

Меѓу десетте најголеми увозници, дури шест земји се од Азија и Океанија. Виетнам на пример, има 2.9% од уделот на купеното оружје во светот од 2011 до 2015 година, а во тој период забележал дури 699% од зголемувањето на увозот.

Кина после Индија е најголемиот увозник на оружје, но и една од најголемите извозници на оружје после Америка и Русија, а пред Франција и Германија.

„Кина продолжува да ги шири своите воени капацитети со увезено оружје, но и оние од домашно производство“, вели Сајмон Веземан, истражувач од Институтот.