Кој директор на банка си докупи акции за 120.000 евра?
Објавено во: Економија 02 Февруари, 2021
Охрабрувачки сигнал за инвеститорите во акцијата на „Комерцијална банка“. Хари Костов, долгогодишниот прв човек докупи 1.000 акции во таа банка, а нивната пазарна вредност надминува 120.000 евра
Хари Костов, долгогодишниот главен извршен директор и претседател на директорскиот борд, на „Комерцијална банка“ си докупи 1.000 акции со право на глас во банката што ја раководи повеќе од 20 години. Вложувањето на повеќе од 120.000 евра во акции на „Комерцијална банка“ секако ќе биде позитивен импулс пред се малите инвеститори на Македонската берза за хартии од вредност каде што акцијата на „Комерцијална банка“ е еден од главните маркет-мејкери. Неговото вложување, како човек кој има долго искуство и високо квалификувана експертиза во светото на финансиите, секако дека ќе биде охрабрувачки сигнал за малите акционери да вложуваат во таа акција или во најмала рака да не ги продаваат своите акции.
Потегот на Костов во инвеститорската јавност многу веројатно ќе се протолкува и за неформална потврда за дивиденда за работењето на „Комерцијална банка“ во 2020 година. Костов во континуитет вложува во акции на банката со која раководи и тоа е позитивна корпоративна пракса. Истото во континуитет го прави и Живко Мукаетов, првиот човек на „Алкалоид“ како и членовите на управниот одбор со кој тој раководи.
Купувањето акции во компаниите со кои раководат на врвни менаџери е востановена пракса во западните земји со долга корпоративна историја. Кај многу од големите корпорации постојат и клаузули во менаџерските договори со кои извршни директори и членови на бордовите прифаќаат исплати на бонуси во акции и тоа има за цел нивна дополнителна мотивиција за подобри резултати, поголеми профити што позитивно влијае врз пазарните цени на нивните акции. Можно е во менаџерскиот договор на директорот Костов да има одредба со која кој има можност со дел од бонусот за успешност да купува акции во банката со која раководи.
Како што веќе пишувавме „Комерцијална банка“ лани годината ја заврши со одлични резултати од работењето. Повеќе детали за финансиските резултати на „Комерцијална банка“ на следниот линк https://faktor.mk/zoshto-raste-cenata-na-akcijata-na-komercijalna-banka
* Наградата се доделува на котирано друштво, избрано со гласање преку онлајн анкета на веб страниците на Берзата и интернет порталот „Фактор“, кој е партнер на Берзата во доделувањето на оваа награда. Гласањето се врши паралелно на двете веб страници и акцијата на издавачот што ќе има најмногу гласови од двете анкети збирно, ќе биде прогласена за Акцијата на годината по избор на јавноста за 2024 година.
Предмет на анкетата е листа од десет котирани акции, избрани врз основа на остварениот промет и транспарентноста во нивното работење.
Можеби ќе ве интересира
ВОЗАЧИ, ЕВЕ ШТО ТРЕБА ДА ЗНАЕТЕ КОГА УТРЕ ЌЕ ОДИТЕ НА БЕНЗИНСКА - Регулаторна со нови цени на горивата
Еве ги најголемите економски патриоти! Кои се најголемите македонски извозници меѓу котираните компании?
МИЦКОСКИ КАЖА КОГА КОНЕЧНО ЌЕ СЕ ДЕФИНИРААТ УСЛОВИТЕ ЗА УНГАРСКИОТ КРЕДИТ: Еве што најави
ВО СРЕДА ЌЕ ИМА ЈАВНА БЕРЗАНСКА АУКЦИЈА ЗА 9,83 ОТСТО - кој ќе искешира 7,34 милиони евра за акции на „Македонијатурист“
ШТО Е ТОА ШТО ГИ РАЗЛИКУВА „ТЕМУ“, „АЛИЕКСПРЕС“ И „ШЕЈН“: Голема трка за новиот кинески император
БАНКРОТ НА ЕВРОПСКИОТ ГИГАНТ ЗА БАТЕРТИИ: Директорот поднесе оставка откако се тргна надолу
Должник на МЕПСО од Косово пред суспензија од пазарот за електрична енергија
ОВА Е НАЈОМРАЗЕНИОТ ЧОВЕК НА ВОЛСТРИТ: Трамп го номинираше за министер за трговија
Соработката со „Бехтел ЕНКА“ продолжува со презентации во Прилеп и во Битола за тендерските процеси и за зајакнување на учеството во локалниот синџир на снабдување
