19 Март, 2024
0.0297

Кој е рекордерот? Продаде вино и ракија за 20,7 милиони евра!

Објавено во: Економија 17 Август, 2022

Добивај вести на Viber

Финансиските резултати на „Тиквеш“ заслужуваат внимание, а растот на извозот е за пример. Вкупната продажба за првото полугодие порасна за 51 отсто, а извозот во тоа учествува со повеќе од половина. Иако и понатаму му тежат финансиските расходи македонскиот гигант ја зголеми добивката за 2,6 пати!

Најголемата македонска винарска визба “Тиквеш“ ја зголеми продажбата за 51 отсто во споредба со истиот период лани, е веста која значајно ќе ги орасположи акционерите, а истовремено ќе ја направи таа акција попривлечна за инвеститорите во овие сушни денови на Македонската берза.

За македонската економија е значајно тоа што „Тиквеш“ во првите шест месеци годинава од извоз на вино, па и ракија остварил девизен прилив од 11,8 милиони евра што е за 82 отсто подобро од првото полугодие минатата година.

На домашниот пазар оваа респектабилна и најголема компанија за периодот јануари – јуни пласирала алкохолни пијалоци во вредност од речиси 9 милиони евра што е за 24 отсто повеќе од лани.

Вкупната продажба на „Тиквеш“ за овој период достигна вредност од 20,7 милиони евра и тоа еза 7 милиони евра подобар резултат од истиот период лани.

„Тиквеш“ е еден од најочигледните примери дека парите дадени за маркетинг не се трошок туку влог во создавање нова вредност. Растот на продажбата на „Тиквеш“ во голема мерка е резултат на вложувањата во маркетинг и продажба кои се неопходни за етаблирање и позиционирање на пробирливиот и висококонкурентен вински пазар. За шест месеци оваа компанија во маркетинг и продажба вложи 2 милиони евра што е за 57 отсто повеќе од претходната година. Во тие услови „Тиквеш“ ја зголеми продажбата за 7 милиони евра.

Аналитиката на билансот на успех покажува дека „Тиквеш“ своите вработени во првото полугодие ги мотивирал со 30 отсто повеќе во споредба со истиот период лани. Најголема трошковна ставка очекувано се суровините и другите материјали за кои компанијата платила речиси 5 милиони евра или 61 отсто повеќе од лани.

Оперативната добивка достигна 871.000 евра, а нето добивката изнесува 532.000 евра.

Единствена голема болка на „Тиквеш“ и понатаму остануваат релативно високите финансиски расходи кои годинава се 15 отсто повисоки од лани, а надминаа 173.000 евра.

 Значајно за истакнување од билансот на состојба е тоа што на денот на пресек (30 јуни годинава) побарувањата на компанијата од купувачи надминуваат 17,15 милиони евра што е за двојно повеќе од истиот период лани.

Во овој период за безмалку 5 милиони евра „Тиквеш“ ги зголемил своите краткорочни обврски спрема доверителите, а за 1,5 милиони евра односно за 15 отсто ги намалил своите обврски за долгорочни кредити.

Р.Ф.

Фото: ЕПА/ZURAB KURTSIKIDZE

Можеби ќе ве интересира

ЗЕЈТИНОТ НЕ ГИ „ПОДМАЧКА“ ПРИХОДИТЕ НА „ВИТАМИНКА“, НО ДОБИВКАТА Е ОДЛИЧНА - како прилепската фабрика лани го удвои својот профит

ЗЕЈТИНОТ НЕ ГИ „ПОДМАЧКА“ ПРИХОДИТЕ НА „ВИТАМИНКА“, НО ДОБИВКАТА Е ОДЛИЧНА - како прилепската фабрика лани го удвои својот профит

Железницата ги издаде складиштата за дизел во Лисиче

Железницата ги издаде складиштата за дизел во Лисиче

ДОБРА ВЕСТ ЗА СИТЕ СО КРЕДИТИ: Се очекува намалување на каматите - издржете уште малку, еве кога ќе се случи тоа

ДОБРА ВЕСТ ЗА СИТЕ СО КРЕДИТИ: Се очекува намалување на каматите - издржете уште малку, еве кога ќе се случи тоа

СЕ ПОВЕЌЕ ЕНЕРГИЈА ОД ОБНОВЛИВИ ИЗВОРИ, НО НЕ И ОД ХИДРОЦЕНТРАЛИТЕ – еве што покажуваат бројките на статистика

СЕ ПОВЕЌЕ ЕНЕРГИЈА ОД ОБНОВЛИВИ ИЗВОРИ, НО НЕ И ОД ХИДРОЦЕНТРАЛИТЕ – еве што покажуваат бројките на статистика

Од што „Македонијатурист“ годинава ќе ги прави големите пари?

Од што „Македонијатурист“ годинава ќе ги прави големите пари?

ИМА ДОГОВОР ЗА ДЕЛ ОД АМЕРИКАНСКИОТ ПРЕДЛОГ: Дали Косово попушта за динарот?

ИМА ДОГОВОР ЗА ДЕЛ ОД АМЕРИКАНСКИОТ ПРЕДЛОГ: Дали Косово попушта за динарот?

ДА НЕ СЕ НАМАЛАТ ПЛАТИТЕ: Сенатор бара САД да усвојат 32-часовна работна недела

ДА НЕ СЕ НАМАЛАТ ПЛАТИТЕ: Сенатор бара САД да усвојат 32-часовна работна недела

„ДИЗЕЛАШИТЕ“ МОЖЕ ДА ЗДИВНАТ, НО НЕ И „БЕНЗИНЦИТЕ“ - еве како се менуваат цените на горивата по полноќ

„ДИЗЕЛАШИТЕ“ МОЖЕ ДА ЗДИВНАТ, НО НЕ И „БЕНЗИНЦИТЕ“ - еве како се менуваат цените на горивата по полноќ

РОМАНЦИТЕ СЕ МАЧАТ СО ВИСОКА ИНФЛАЦИЈА: Во кои европски земји таа е најниска?

РОМАНЦИТЕ СЕ МАЧАТ СО ВИСОКА ИНФЛАЦИЈА: Во кои европски земји таа е најниска?