Кој и зошто прави залихи од сребро?

Добивај вести на Viber

Инвеститорите прават залихи од сребро поради царините кои ги најави американскиот претседател Доналд Трамп. 

Среброто има двојна улога – служи како безбедно засолниште за инвестиции, но и како индустриски материјал, особено во производството на соларни панели.

Цената на среброто се зголеми за 1,5 отсто на 38,9712 долари за унца, што е близу до највисокото ниво во последните 14 години, бидејќи инвеститорите бараат алтернатива за рекордните цени на златото, но и поради загриженоста дека новите тарифи воведени од САД би можеле дополнително да го ограничат физичкото снабдување со овој метал.

Цената на позајмување сребро на месечна основа се зголеми за повеќе од 6 отсто, во споредба со вообичаената стапка од близу нула, што укажува на зголемена тензија на пазарот.

Разликата меѓу спот цената во Лондон и септемвриските фјучерси во Њујорк останува невообичаено голема – слична на почетокот на годината, кога стравот од тарифи на американскиот претседател Доналд Трамп предизвика пораст на испораките на злато и сребро од Лондон до САД.

Цената на среброто се зголеми за 35 отсто оваа година, надминувајќи го растот на златото од 28 отсто.