Кој си ја купи струмичката бања за 3,7 милиони евра кеш?

Добивај вести на Viber

Во корона криза некој одлучи да инвестира во здравствена установа, прочуена по својата лековита термална вода. Станува збор за превземање на бањата „Цар Самуил“ од струмичко Банско при што се купени 75,5 отсто од акциите со право на глас за 3,73 милиони евра. Цената е 3.205 денари или 30 отсто повеќе од последна цена постигната со таа акција на нашата берза

Познатата здравствена установа „Цар Самуил“ со седиште во струмичкото село Банско од понеделник има нов сопственик. Овој хотелски капацитет прочуен како ревматско лекувачиште вчера на слободниот пазар на Македонската берза за хартии од вредност во две блок трансакции е купен од засега непознат купувач. Новиот сопственик плати 3,73 милиони евра за 71.679 акции што значи 75,5 отсто од сите акции со право на глас во оваа здравствена компанија.

И двете блок трансакции се реализирани по единствена цена за акција од 3.205 денари за акција. Претходната цена по која се тргувала таа акција изнесува 2.460 денари.

Јавно достапните податоци за бањата „Цар Самуил“ се скудни, но од тоа што е достапно, според базата на Централниот регистар на Македонија (ЦРМ) тоа друштво во 2019 година имало приходи во износ од 960.000 евра и тоа претставува намалување од 10 отсто во однос на претходната година. Добивката во таа година достигнала 90.000 евра и е за десет пати поголема од 2018 година.  

Р.Ф.