Која е државната фирма што дели најголема просечна плата? Изнесува 1.000 евра!
Објавено во: Економија 14 Октомври, 2022 07:55
ГА-МА добро ги плаќа своите вработени. Лани за нив се исплатени вкупни бруто трошоци од 1,1 милиони евра односно бруто со вклучени придонеси на месечно ниво просечно вработен ја чинел ГА-МА 1.500 евра. Просечната нето плата по одбивањето на придонесите е нешто повеќе од 1.000 евра. Ваква плата и приличи за вработени во претпријатие кое управува со главната гасоводна цевка во Македонија
ГА-МА има подобра просечна плата од ЕСМ и од МЕПСО, и со тоа го понесе епитетот за државна енергетска фирма која најдобро ги плаќа своите вработени.
ГА-МА од втората половина на минатата година е целосно државна компанија откако Владата и „Макпетрол“ постигнаа договор и приватната компанија ги отстапи своите акции за соодветен паричен надоместок.
ГА-МА вработува вкупно 58 лица од кои петмина се членови на Одборот на директори.
Компанијата управува со главниот гасоводен систем и за својата работа наплаќа регулирана тарифа која е утврдена од РКЕ. Има една подружница и тоа е подстаницата за гас кај Крива Паланка каде всушност нашиот национален систем за пренос на гас е врзан за бугарскиот магистрален гасовод со кој управува руската компанија „Гаспром“.
Минатата година приходите на ГА-МА надминаа 7,7 милиони евра и тоа е за 23 отсто повеќе од претходната 2020 година во која заради корона кризата имаше одредени намалувања на конзумот на природен гас во земјава.
Најголемата оперативна расходна ставка на ГА-МА се трошоците за вработени, а воопшто најголемата трошковна ставка во билансот на успех е амортизацијата која за лани изнесувала околу 2,1 милиони евра.
Минатата година, која беше одлична од аспект на потрошуваката на гас ГА-МА ја заврши со добивка поголема од 3 милиони евра.
Значајно за истакнување е тоа што ГА-МА е дивиденда компанија, а лани од нејзиното работење Владата и „Макпетрол“ поделија по 900.000 евра дивиденда.
Повеќе за работењето на ГА-МА лани може да прочитате на следниот линк https://mse.mk/Objavi/Repository/Announcement166/%D0%93%D0%90%D0%9C%D0%90%20%D0%90%D0%94%20%D0%A1%D0%BA%D0%BE%D0%BF%D1%98%D0%B5%20-%20%D0%A0%D0%B5%D0%B2%D0%B8%D0%B7%D0%BE%D1%80%D1%81%D0%BA%D0%B8%20%D0%B7%D0%B0%202021%20%D1%81%D0%BE%20%D0%9E%D0%B4%D0%BB%D1%83%D0%BA%D0%B0%20%D0%BE%D0%B4%20%D0%9E%D0%B4%D0%B1%D0%BE%D1%8020220928155120.pdf
Р.Ф.foto freepik.co,
Можеби ќе ве интересира
„Нашата цел е да привлечеме компании кои носат знаење, современи технологии и квалитетни работни места“: Димовски од ТИРЗ до менаџментот на Philips
ДЗР: Застарени предмети и неуплатени средства во буџетот на државата, ИТ напади и повеќе неправилности во работењето на Министерството за економија и труд
Хрватска повлекува храна за бебиња: Аптамилот има поголемо присуство на бактерии
ЕБОР: Рекордно ниско ниво на лоши кредити во Централна, Источна и Југоисточна Европа
На бензинските пумпи се појави нов вид гориво: Ќе се испорачуваат со „розови пиштоли“, а ќе може да се користи во сите автомобили
Планирате патување на одмор? Овие аеродроми во Европа ќе штрајкуваат до крајот на годината
Германија ги заострува условите за социјална помош
Руски министер кажа колкав процент од БДП потрошиле за војната во Украина
(ВИДЕО) АВСТРАЛИЈАНЕЦ СЕДУМ ГОДИНИ СОБИРАЛ АМБАЛАЖА: Заштедил за куќа
