Добивај вести на Viber
44-годишната Шерил Сандберг, извршна директорка на Фејсбук, стана милијардерка откако акциите на оваа социјална мрежа достигнаа нов рекорд (58,51 долари по акција).
Сандберг дипломирала на Харвард во 1995 година. Набрзо се вработила во Гугл, каде стигнала до позицијата потпретседател на онлајн продажба. Кон крајот на 2007 го запознава Марк Цукерберг и една година подоцна преминала во Фејсбук.
Од излегувањето на Фејсбук на берзата во 2012 година, Сандберг продала акции во вредност од 300 милиони долари. Сега во нејзина сопственост се 12,3 милиони акции, чија што вкупна вредност, по овој скок, изнесува 750 милиони долари.
Според листата на Блумберг, Сандберг сега е една од најмладите милијардерки во светот.