Koлкава е невработеноста во Германија?
Објавено во: Економија 01 Март, 2018
Стапката на невработеност се задржала на 5,4% во февруари, што е најниско ниво од 1990 година, соопшти германската федерална канцеларија за турд.
„Добрата ситуација на пазарот за труд продолжи и во февруари“- изјави шефот на Канцеларијата, Детлед Шел.
Невработеноста во Германија минатиот месец се намали повеќе од очекуваното, додека вработеноста достигна рекордно ниво во јануари.
Вработеноста скокна на рекордни 44,54 милиони луѓе во јануари.
Невработеноста, според официјалните податоци на германскиот завод за статистика, паднала за 22.000 на 2,39 милиони луѓе, што е поголем пад од проектираното намалување за 15.000 луѓе.
Потрошувачката на домаќинствата, како што оценува Ројтерс, стана еден од главните двигатели на економскиот раст на Германија, бидејќи рекордната вработеност, зголемувањето на платите над стапката на инфлација и ниските трошоци на задолжувањето, ги поттикнуваат потрошувачите да ги отворат своите паричници.