КОЛКАВИ МЕСЕЧНИ ПАУШАЛИ ЌЕ ДОБИВААТ ДИРЕКТОРИТЕ ВО „ТЕТЕКС“ - компанијата ги објави бројките, има и мали промени во Одборот
Објавено во: Економија 20 Март, 2023 16:25
Во тетовскиот комбинат „Тетекс“ дојде до мали промени во Одборот на директори, со тоа што на сите петмин им завршил мандатот, но повторно беа избрани четворица од директорите, а само на една директорка мандатот не и е продолжен.
Како што објави компанијата преку ценовно чувствителна информација на Берзата, мандатот им истекол на петте члена на Одборот на директори и тоа Борислав Трповски, Евгенија Трпоска, Стеван Томовски, Звонимир Ристовски и Драгица Јовановска.
Со одлука на Собранието на акционери, пак, Трповски, Трпоска, Томовски и Ристовски биле избрани за уште еден мандат, кој ќе трае шест години. На местото на Јовановска, пак, е избран Душко Мишевски од Тетово, дипломиран технолог.
Звонимир Ристовски е избран за независен неизвршен член на Одборот.
Тетекс објави и колкави паушали ќе земаат директорите.
Па така, месечен паушал од 33.333 денари ќе зема претседателот, а членовите на Одборот на директори ќе добиваат по 22.222 денари месечно во форма на паушал, објави компанијата преку ценовно чувствителна информација на Берзата.
Н.Н.Ф.
Можеби ќе ве интересира
Словенија ќе го зголеми минималецот - колку ќе изнесува?
Хрватска ги заострува условите за вработување странци
Култура со голем потенцијал - заработката е до 20.000 евра по хектар
Еве како изгледаат владини станови за млади луѓе од 21 квадратен метар во Холандија: Чинат 45.000 евра
„Нашата цел е да привлечеме компании кои носат знаење, современи технологии и квалитетни работни места“: Димовски од ТИРЗ до менаџментот на Philips
ДЗР: Застарени предмети и неуплатени средства во буџетот на државата, ИТ напади и повеќе неправилности во работењето на Министерството за економија и труд
Хрватска повлекува храна за бебиња: Аптамилот има поголемо присуство на бактерии
