ДАЛЕКУ НАТПРОСЕЧНИ: Колкави плати се делат во контролата на македонското воздухопловство?
![](/media/main/2024/07/20240709175557.jpg)
Објавено во: Економија 11 Јули, 2024
Просечната нето плата во центарот за контрола на летови „Македонски навигации“ лани изнесувала 2.480 евра, додека во Агенцијата за воздухопловство, која обезбедува лиценци за авио-компаниите, пилотите и аеродромите, личниот месечен нето доход за еден вработен во просек бил 1.380 евра во текот на минатата година.
Ова може да се провери во објавените ревизорски извештаи за работењето на двете контролни воздухопловни тела во 2023. М-НАВ за 310 вработени во текот на минатата година поделил 562 милиони денари, сума што останала речиси иста како и една година претходно за истиот расход. Toa значи дека во контролата на летови нема зголемување на платите и покрај тоа што имаше инфлација која тешко се контролира.
Агенцијата за воздухопловство во 2023 поделила за нето плати околу 82 милиони денари за 81 вработен. Платите се зголемиле за 15 отсто за една година, ако се суди по тоа што една година претходно за оваа ставка биле потрошени 70 милиони денари.
М-НАВ и Агенцијата за воздухопловство се финансираат од наплата на прелети на авио компаниите кои потоа им ги доделува федерацијата Eurocontrol. За „Македонски навигации“ минатата година следувале 20 милиони евра како основен приход, што било зголемување за 1,2 милиони евра најмногу поради растот на бројот на прелети. За Агенцијата за воздухопловство од наплата на прелети биле префрлени малку повеќе од 4 милиони евра. Зголемувањето на сумата за една година е за само околу 200 илјади евра.
М-НАВ остварил добивка од 703 илјади евра како вишок на средства, а кај агенцијата како регулатор останале 810 илјади евра како непотрошени.
Не е познато колкави биле платите и наградите на раководствата и членовите на одборите на двете воздухопловни институции.
А.К.
Можеби ќе ве интересира
НЕ СМЕЕ НАРОДОТ ДА ПЛАЌА 10 ПАТИ ПОВЕЌЕ ЗА НОТАРСКАТА НАГРАДА - министерот Филков ќе бара повлекување на одлуката од неговиот претходник
ИНДУСТИРСКОТО ПРОИЗВОДСТВО СО ПАД ОД 6,5 ПРОЦЕНТИ: еве кои сектори се засегнати
![](/media/main/250x170/2024/07/20240731143356.jpg)
ПОВЕЌЕ ЕНЕРГИЈА ОД ВЕТЕР И СОНЦЕ ОТКОЛКУ ОД ФОСИЛНИ ГОРИВА: успева планот на Европската унија
![](/media/main/250x170/2024/07/20240731130845.jpg)
ЦЕНИТЕ НА ПОЛОВНИТЕ ВОЗИЛА ПАЃААТ: Најбарани германските брендови и Тесла
IQOS Клуб – нова алатка за врвна грижа за корисници
![](/media/main/250x170/2024/07/20240731122937.jpeg)
Продолжува трендот на силен раст на Македонски Телеком и во првoто полугодие на 2024 година
![](/media/main/250x170/2024/07/20240731122103.png)
АЛКАЛОИД со консолидирани продажби од 153,9 милиони евра, извоз од 106,9 милиони евра и со инвестиции од 11 милиони евра во периодот јануари – јуни 2024 г.
![](/media/main/250x170/2024/07/20240731115356.jpg)
Продолжуваат позитивните финансиски резултати на Реплек во првото полугодие од 2024 година
![](/media/main/250x170/2024/07/20240731104715.jpg)
СО „АС СЕЊАК“ БИЗНИСОТ МУ ЦУТИ, АМА СО „ЖИТО КАРАОРМАН“ НИКАКО ДА МУ ТРГНЕ - што му е побитно на Селаудин Арифи
![](/media/main/250x170/2024/07/20240730231945.jpeg)