Колку чини испраќање на еден астронаут во Вселената?!
Објавено во: Стил 01 Мај, 2013
НАСА на Русија ќе и плаќа по 70,7 милиони долари за секој астронаут, кој руската вселенска агенција ќе го изведе во орбитата во 2016 и 2017 година, јави ДПА, со што цената на патувањето до Меѓународната вселенска станица е зголемена.
Роскосмос и НАСА потпишаа спогодба за изведување во Вселената на шест американски астронаути, кои ќе бидат испратени во мисии во вселенска станица.
Цената согласно претходната спогодба, која важи до крајот на 2015 година, изнесуваше 62,7 милиони долари. Откако во 2011 година Американците ги „пензионираа“ своите вселенски летала, сега тие сметаат на рускиот вселенски брод „Сојуз“ за лансирање на астронаути.