Колку деца се родиле во второто тромесечје во Македонија?
Објавено во: Економија 25 Август, 2016
Наталитетот во Македонија бележи негативен тренд.
Бројот на живородените деца во второто тримесечје од 2016 година, во споредба со истиот период лани е намален за 2.8% и изнесува 5 559 живородени деца.
Според податоците на Државниот завод за статистика, природниот прираст изнесува 782 лица, што значи, за толку лица бројот на живородените деца е поголем од бројот на умрените лица.
Висок наталитет има општина Чаир каде се родиле 263 деца, а во истиот период починале 145 луѓе.
Во Куманово се родиле 289 деца, а починале 244 луѓе.
Во Струга се родиле 205 бебиња, а починале 105 луѓе.
Во Струмица се родиле 165 деца, а починале 135 лица.
Во општина Тетово се родени 309 деца, а починале 183 луѓе.
Во Студеничани се родени 122 деца, а починале 29 луѓе.
Во другите општини бројот на родени деца е помал.