10 Декември, 2018
0.5683
    ALK 8149.06    0.8%     GRNT 810.87    1.36%     KMB 4932.79    2.35%     MPT 46443.88    0.75%     MTUR 4850    -0.58%     MZPU 607    0%     OHB 6545.4    1.52%     PTRS 3075    0%     RMDEN16 97    1.04%     RMDEN17 96.5    0%     RZLV 68    0%     SBT 1802    -7.59%     STB 1278.3    1.18%     STIL 121    0.83%     TEL 295    0%     TNB 13999.97    0%     TTK 1233    -0.91%

Колку „кошта“ белата линија на Гајур Кадриу?

Објавено во: Економија 10 Август, 2018

Бојата, разредувачот и перлата со кои се бележи бележат патиштата кои ги одржува „Македонијапат“ чинат половина милион евра. Во тендерот не пишува за колку километри бела линија ќе се потрошат овие тони боја. Но затоа пак на веб страната на „Македонијапат“ директор Гајур Кадриу пишува „Со мое големо залагање, ова ќе биде година на Македонијапат“!

„Македонијапат“ ќе плати безмалку половина милион евра за набавка на материјал за тенкослојна ознака на коловоз односно бела боја, перла и разредувач со кои се одбележува белата линија на магистралните и регионалните патишта низ земјава за чие одржување е задолжена „Македонијапат“. На тендер „Македонијапат“ набави 106 тони бела боја, 17 тони разредувач и 31 тон перла (рефлексит). За оваа набавка „Македонијапат“ ќе плати 481.000 евра (цената е без ДДВ) на скопската фирма „Крафтинг Груп“ од Скопје. Набавка е планирана за една година да ги задоволи потребите за боја за белата патна линија.

Според дадената спецификација, во која не пишува за колку километри пат е потребно ова количество боја, разредувач и перла пишува дека тон боја чини 3.305 евра, тон разредувач чини 4.493 евра, а тон перла чини 1.749 евра. Стоката „Македонијапат“ ќе ја нарачува сукцесивно, согласно со потребите, а операторот е должен да ја достави во секцијата „Прилеп“ во рок од 7 дена од направената нарачка. Бојата треба да ги задоволува стандардите MKC EN 1436+A1:2009 или еквивалентно.

Што работи „Македонијапат“

Јавното Претпријатие за одржување и заштита на магистралните и регионалните патишта  "Македонијапат" има повеќе работни задачи и обврски, меѓу кои позначајни се: редовно и зимско одржување на магистралните и регионалните патишта, проектирање на помали објекти на патиштата, асфалтирање на помали делници и крпење на ударни дупки, проектирање, изработка и поставување на вертикална и хоризонтална сигнализација, заштита на патишта, автоматско и рачно броење на сообраќајот, катастар на патишта и мостови, информативна служба за состојбата на патиштата и друго. Јавното претпријатие одржува повеќе од 4.400 километри патишта ширум Македонија. Според тоа што го пишува на веб страницата на „Македонијапат“ претпријатието одржува 294 километри автопат и уште над 1.100 километри регионални и магистрални патишта. Фирмата е организирана во пет подружници: Автопат, Скопје, Велес, Битола и Штип. Најмногу километри одржува подружницата „Битола“ – 1.300 и тоа на делниците: Плетвар, Прилеп, Битола, Кичево, Охрид и Струга. Подружница Скопје ги одржува делниците: Дебар, Гостивар, Тетово, Скопје, Куманово и Крива Паланка во должина од 1.149 километри. Подружница Штип одржува 1.011 километри и тоа на делниците: Кратово, Штип и Струмица. Подружница Велес одржува 662 километри на делницата Велес – Гевгелија.

Р.Ф.

Можеби ќе ве интересира

ТИЕ СЕ НАЈБОГАТИ ВО ЕУ: Имаат минималец од 2.000 евра

ТИЕ СЕ НАЈБОГАТИ ВО ЕУ: Имаат минималец од 2.000 евра

ПАЃААТ ЦЕНИТЕ: Од ноќеска возачите ќе полнат резервоари со бензин и дизел по овие цени

ПАЃААТ ЦЕНИТЕ: Од ноќеска возачите ќе полнат резервоари со бензин и дизел по овие цени

Двојното поскапување на паркингот на дневен ред

Двојното поскапување на паркингот на дневен ред

УЈП распродава возила, компјутери, мотоцикли по евтини цени

УЈП распродава возила, компјутери, мотоцикли по евтини цени

Колку пари вртат адвокатите кои бранат обвинети од СЈО?

Колку пари вртат адвокатите кои бранат обвинети од СЈО?

Колку заработуваат адвокатите кои ги бранат обвинетите од СЈО?

Колку заработуваат адвокатите кои ги бранат обвинетите од СЈО?

Колку пари прават адвокатите кои бранат обвинети од СЈО?

Колку пари прават адвокатите кои бранат обвинети од СЈО?

Македонец е еден од најдобрите менаџери во Бугарија: Не е толку едноставно да се преселиш

Македонец е еден од најдобрите менаџери во Бугарија: Не е толку едноставно да се преселиш

Неочекуваните финансиски трошоци тежок товар за 58,5 отсто граѓани

Неочекуваните финансиски трошоци тежок товар за 58,5 отсто граѓани