Колку милијардери има Македонија?

Добивај вести на Viber

Единаесет компании за шест месеци направиле нето приходи поголеми од една милијарда денари односно 16,3 милиони евра (по компанија). Најголема е ОКТА, а во првата петорка се уште: Макпетрол, Телеком, Алкалоид и Арчелор Миттал ЦРМ. Зошто на овие фирми „банките им стојат мирно“? Затоа што заедно единаесетте најголеми имаат нето приход од 760 милиони евра за половина година. Тие се дел од 101 компанија и тие заедно имаат нето приход од 1,16 милијарди евра

Единаесет македонски компании имаат нето приходи поголеми од една милијарда денари односно 16,3 милиони евра за првите шест месеци годинава, покажуваат официјални податоци кои ги објави Македонската берза за хартии од вредност и се достапни на следниот линк https://www.mse.mk/mk/news/13/9/2018/summary-of-financial-data-of-listed-mse-companies

Кој направи најмногу пари ?

Во елитното друштво има вкупно 11 компании. Тие се: ОКТА, „Макпетрол“, Македонски Телеком, „Алкалоид“ (консолидиран), Арчелор Митал ЦРМ, „Макстил“, „Пекабеско“, „Усје“, „Фершпед“ (консолидиран), „Гранит“

Компанија со најголеми нето приходи во земјава е скопската компанија ОКТА. Тие за половина година изнесуваат 197 милиони евра. Тие се повисоки за 22,7 милиони евра во споредба со лани. На второ место е најголемата компанија која врши трговија на мало со нафтени деривати и со стоки за широка потрошувачка „Макпетрол“. За првите шест месеци тие изнесуваат 157,8 милиони евра. Во големата петорка се уште: Македонски Телеком со 81,3 милиони евра, „Алкалоид“ со 77,8 милиони евра и Арчелор Миттал ЦРМ со 53,8 милиони евра.

*во оваа класификација не се вклучени банките заради природата на нивната дејност