Колку подолг ни е животниот век, толку подолг е и работниот

Добивај вести на Viber

За последните десет години, просечниот животен век во земјите на Европската унија пораснал во просек за 2,4 години, затоа расте и притисокот за подигање на старосната граница за пензионирање.

Една инвалидска пензионерка од Белград, својата пензија ја прима веќе 70 години. Првата пензија ја примила во далечната 1946 година.

Колку години денес има, не сака да открива, бидјеќи дамите за години не се прашуваат. Таа е една од ретките која долго веќе го дочекува поштарот со пензија, иако е факт, а тоа го потврдува и статистиката на Фондот за пензиско и инвалидско осигурување, дека жените во просек, примаат подолго пензија од мажите.

Според податоците за 2015 година, кога се во прашање старосните пензии, мажите во просек пензијата ја примаат 17, а жените 19 години, додека во случајот на инвалидската пензија мажите пензија примаат 18, а жените 22 години. Со оглед на тоа дека старосната граница за заминување во пензија често се зголемува и кај нас и во земјите на Европската унија, се поставува прашањето колку пензионери ќе има во иднина кои во наредните 70 години ќе примаат пензија?

Или поради тоа што постари заминуваме во пензија ќе бидат побројни оние кои доприносите ги уплатувале цел работен век, но пензијата не ја дочекале? Дали помалото издвојување за пензии од државната каса навистина единствен параметар со кој законодавецот раководи кога ги заострува условите за пензија или демографија, сепак, покажува дека денес се живее подолго отколку пред 20 или 25 години, па со самото тоа треба подолго и да се работи?

Прашањето за заострување на условите за пензија го покрена овие денови и Германската централна банка, соопштувајќи дека подигањето на старосните граници за пензионирање на 69 години до 2060 година во извесна мерка би го ублажил притисокот на државниот пензиски систем, бидјеќи популацијата е се постара.