Комисијата за СЈО на пауза, ќе се чека вторник
Објавено во: Македонија 29 Август, 2019
Собраниската комисија за европски прашања предводена од пратеникот на ДУИ, Артан Груби, ќе го чека вторник за да се види кога ќе има слободен простор за пленарна седница за Законот за јавно обвинителствои со кој треба да се продолжи животниот век на СЈО.
Во моментов комисијата паузира на неопределено време откако денеска започна по влегувањето на законот за СЈО во собраниска процедура и треба да биде донесен по скратена постапка.
Груби информираше дека се поднесени четириесетина амандмани за законот а во меѓувреме ќе се чека усогласување на ставовите пред продолжетокот на седницата. Како што информира „Независен“, седницата треба да трае два дена, односно само денеска и во понеделник, додека утре и задутре Собранието ќе решава за новите промени во владата.
Во вторник треба да биде појасна ситуацијата како стојат работите во парламентот, односно дали ќе има изгледи за двотретинско мнозинство.