Компанијата МАРС тврди дека во Македонија нема пласирано производи со пластика во нив
Објавено во: Економија 24 Февруари, 2016 20:59
Компанијата МАРС најавува дека на ниво на ЕУ ги повлекува од пазарот производите [SNICKERS®, MARS® MILKYWAY®иCELEBRATIONS®] по пронаоѓање парче пластика во еден од производите.
„Повлекувањето на чоколадите се однесува само на производите кои се произведени во фабриката во Холандија. Ова е изолиран случај кој се однесува само на горенаведените производи кои се произведени во фабриката во Холандија. Ниеден друг тип на чоколади, друго пакување, големина на чоколадите, серија на производство, рок на употреба или производ кој е произведен на други локации не се засегнати со овој случај“, велат од Компанијата.
Оттаму во согласност со нивниот интерен механизам за следивост, тврдат дека MARSSouthCentralEurope нема пласирано на македонскиот пазар ниеден од горенаведените производи.
Во соседна Србија пак надлежните превентивно ги повлекуваат 'Snickers 4 pack' од пазарот.
Како што пренесуваат српските медиуми повлекувањето се однесува на артиклот (ANM35 - Snickers 34*4*50g MP HR BA RS ME) кој е произведен во Холандија со рок на употреба 10.07.2016. и број на серија 550F2NLD03 и не се однесува на било кои други Марс производи кои се произведени во други фабрики.
Како што оваа ситуација потенцијално постои и во пакувањето на MixMinis, исто така произведени во Холандија , со рок на употреба 10.07.2016-15.02.2017 кои исклучиво може да се најде на аеродромот во Duty Free продавниците исто така се повлекува ова пакување.
Ниеден друг вид на чоколадо, пакување, серија на производ, рок на употреба или производ кој е произведен на други локации не се погодени со овој случја, истакнуваат во компанијата Марс во која изразуваат жалење после евентуална непријатност која потрошувачите ја искусиле.
До денешен ден компанијата Марс примила само една жалба на потрошувачи во светот. Во Србија, досега не е примена ниедна жалба на потрошувачи.
Потрошувачите кои ги купиле горенаведените производи се предупредуваат дека не би требало да ги конзумираат.
Можеби ќе ве интересира
Побарувачката за сребро ќе расте - кои земји имаат најголеми резерви?
ЕУ ОДОБРИ ПОМОШ ЗА УКРАИНА: Што се случува со цените на златото и пченицата?
Како вештачката интелигенција навистина влијае на пазарот на трудот?
Најголемото наоѓалиште на злато досега – илјадници тони скриени на 1.900 метри
НА ЕУ И НЕДОСТАСУВААТ МЕНАЏЕРИ ЗА ПРОДАЖБА, МАРКЕТИНГ И РАЗВОЈ: Оваа професија има незадоволена побарувачка
Запленетите акции на Сашо Мијалков во Алта банка ставени на продажба
