24 Мај, 2024
0.0285

КОНЕЧНО, ЗА ДЕЦАТА, МЛАДИТЕ И ТРУДНИЦИТЕ ИМА СЕНЗОРИ ЗА ДИЈАБЕТЕС: Ќе заврши боцкањето по неколку пати на ден, Диме Велев за Фактор

Објавено во: Македонија 29 Септември, 2023

Добивај вести на Viber

Барем еден дел од долгогодишниот проблем на луѓето со дијабетес тип 1 е завршен. Во Макдонија пристигнаа 700 сензори наменети за децата до 18 години, дечињата со слепило и трудниците. Во разговор за Фактор, претседателот на Сојузот на здруженијата на дијабетичари, Диме Велев потврди дека пациентите се веќе повикани и од следната недела ќе почнат со обуки како да се користат сензорите.

-Ова е само еден сегмет од нашата борба за пациентите со дијабетес. Тука се сензорите кои ги чекаме со години, а пациентите веќе се повикуваат. На Клиниката за детски болести ќе можат да го подигнат секој својот сензор веќе од следната недела, на 3, односно на 4 октомври и тогаш ќе добијат и соодветна едукација, обука како да се користи. Ова е посебно важно, бидејќи сенозрите од корен ќе го променат животот на овие млади луѓе. Оваа напредна технологија во медицината освен што овозможува на пациентите да престанат со неколкукратното боцкање во текот на денот, даваат и информации и на родителите и на лекарите за висината на шеќерот во крвта. Во оваа насока, родителот може да ја следи состојбата на своето дете додека е на училиште на пример. Сензорот ги пренесува информациите и сигнализира што може да се случи, така што родителот може навреме да реагира, да му посочи на детето да јаде или пак да внесе инсулин и така натаму, нагласува Велев.

Од друга страна, како што вели тој, се отвора ново прашање поврзано со безбедноста на лентите и глукомерите.

-Светот со светлосни години оди напред, а ние добивме едни од најстарите глукомери или апаратчиња за мерење шеќер со ленти пакувани во кесички. Целиот сет е препакуван. Не загрижува фактот дека лентите одговараат и на други апарати, а тоа не смее да се случи. Чипот на лентичките одговараат само на еден апарат, односно на чипот на апаратот со кој се даваат. Доколку даваат погрешни резултати, може да се случи вистинска инвазија на организмот. При секоја хипергликемија некој од органите страда, срце, бубрези, се јавува ретинопатија. Тоа значи дека секоја хипергликемија доведува до уште едно хронично заболување за пациентот, појаснува Велев.

За ова има и бројникции од пациентите кои веќе ги подигнале и глукомерите и лентите:

-Денеска го земав новододелениот апарат и го споредив со останатите два што ги има, ама навистина не знам како ќе се лечиме и заштитиме. Ова е уште еден предизвик поради кој не ќе можеме мирно да спи, ова е страв, стрес и убивање на тивок начин.

Пациентите, односно Сојузот веднаш ја алармирале Националната комисија за дијабетес од каде добиле уверување дека новите апарати за мерење на шеќерот во крвта се безбедни.

-Националната комисија за дијабетес ги уверува пациентите за точноста и безбедноста на новите апарати. До крајот на неделата претставници од Здруженијата на дијабетичари, како и пациенти со дијабетес ќе бидат повикани на средба со министерот за здравство на која ќе им се презентира целосната документација за апаратите и лентите, како и целиот процес на набавка од МАЛМЕД и Националната комисија за дијабетес, стои во соопштението на Министерството за здравство.

Анита Буховски


Можеби ќе ве интересира

ФАКТОР НА ДЕНОТ: Силјановска Давкова се сретна со Папата, но средба со Радев немаше

ФАКТОР НА ДЕНОТ: Силјановска Давкова се сретна со Папата, но средба со Радев немаше

МУЦУНСКИ ВЕЛИ ДЕКА СЕ БЛИСКУ ДО ДОГОВОР СО „ВРЕДИ“: Местото на ДУИ е во опозиција

МУЦУНСКИ ВЕЛИ ДЕКА СЕ БЛИСКУ ДО ДОГОВОР СО „ВРЕДИ“: Местото на ДУИ е во опозиција

ФПСМ: Македонскиот алпинист Здравко Дејановиќ при искачувањето на Хималаите имал проблеми, но е надвор од животна опасност

ФПСМ: Македонскиот алпинист Здравко Дејановиќ при искачувањето на Хималаите имал проблеми, но е надвор од животна опасност

СПАСОВСКИ: Во јавноста перцепцијата е дека сè што ќе побара ДУИ, СДСМ го дава

СПАСОВСКИ: Во јавноста перцепцијата е дека сè што ќе побара ДУИ, СДСМ го дава

ПРИЛЕП: Неколку девојчиња истепале соученичка

ПРИЛЕП: Неколку девојчиња истепале соученичка

KOВАЧЕВСКИ СЕ ПОВЛЕЧЕ: Кога СДСМ ќе избира нoв лидер?

KOВАЧЕВСКИ СЕ ПОВЛЕЧЕ: Кога СДСМ ќе избира нoв лидер?

РАДЕВ: На ред е претседателот на Северна Македонија, да дојде во Бугарија

РАДЕВ: На ред е претседателот на Северна Македонија, да дојде во Бугарија

УТРОВО ИЗЛЕЗЕ ОД ЗАТВОРОТ ВО СТРУГА: Мијалков е на слобода

УТРОВО ИЗЛЕЗЕ ОД ЗАТВОРОТ ВО СТРУГА: Мијалков е на слобода

„ДИЈАСПОРАТА ОВДЕ ТРЕБА ДА БИДЕ ПРИМЕНА СО РАШИРЕНИ РАЦЕ, НО НЕ Е ТАКА“ - еве какво искуство имал иселеникот Митре Кутановски, слушајте во новиот поткаст на Фактор

„ДИЈАСПОРАТА ОВДЕ ТРЕБА ДА БИДЕ ПРИМЕНА СО РАШИРЕНИ РАЦЕ, НО НЕ Е ТАКА“ - еве какво искуство имал иселеникот Митре Кутановски, слушајте во новиот поткаст на Фактор