Конгресот на САД одобри 577 милијарди долари за одбрана

Добивај вести на Viber

Американскиот Конгрес го одобри буџетот за одбрана за 2015 година и тој изнесува вртоглави 577 милијарди долари, вклучувајќи и 64 милијарди за воените дејсвувања во странство.   Новиот буџет ќе овозможи и финансирање на обука за сириските и ирачките сили кои се борат против Исламската држава.   По одобрувањето од страна на Сенатот воениот буџет треба да го потпише американскиот претседател Брак Обама.   Првичната распределба на буџетот за одбрана на САД за 2015 година предвидува 496 милијарди долари од основниот буџет да му припаднат на Пентагон, 18 милијарди на Енергетскиот департмент за нуклеарно оружје, а 64 милијарди долари предвидено е да бидат искористени за мисии надвор од државата, пренесува Ројтерс.   Поради намалувањето на буџетот Пентагон побарал од Конгресот да се редуцираат системите за вооружување за кои смета дека не може повеќе да се одржуваат поради немање доволно средства, но ваквиот предлог Конгресот го отфрлил.   Според проекциите на буџетот за наредните 10 години средствата наменети за одбрана на САД и понатаму ќе бидат значително намалени.