ГАРАНЦИЈА ЗА КРЕДИТ: Хотелот „Континентал“ ќе биде заложен во Комерцијална банка
Објавено во: Економија 04 Февруари, 2020
За кредит од 960 илјади евра во Комерцијална банка, компанијата „Интернешнл хотелс“ ќе го заложи хотелот „Континентал“ вреден околу 3,8 милиони евра. Компанијата соопшти преку берза дека до Собранието на акционери доставува предлог одлука за задолжувањето.
Одлуката мора да се донесе со одлука на акционерско собрание затоа што станува збор за зделка која надминува 50 отсто од книговодствената вредност на имотот на друштвото, или изнесува над 74 проценти од вредноста.
Станува збор за Рамковен револвинг кредит – лимит, вреден точно 960.000 евра.
Вкупната површина на залогот изнесува 17.135 квадратни метри и земјиште под и околу објектот со вкупна површина од 12.296 квадрати.