Копач: Нафтените резерви се намалуваат, државата што побрзо да им плаќа на компаниите

Добивај вести на Viber

Државата ќе треба во следните месеци да го затвори прашањето со плаќањето на надоместокот кон нафтените компании кои ги чуваат државните резерви на нафта, рече денеска Јанез Копач, директорот на Секретаријатот на Европската енергетската заедница кој беше на собраниската Комисија за економски прашања во македонското собрание. Тие и претходно сугерираа дека ова прашање треба да се реши. Копач вели дека останува отворено и дека примената на Директивата за нафтени резерви постојано се одложува. Сепак вели дека добиле уверување од Владата дека подзаконските акти набрзо ќе се донесат. 

„Нивото на нафтените резерви во Македонија кое беше највисоко во целата енергетска заедница се намали, а причината се нерешените односи помеѓу сопствениците на нафтени резерви, ОКТА, Макпетрол и државата, и по четири  години од усвојувањето на Законот. Но, добивме уверување од Владата  дека  во следните месеци овој спор ќе биде решен, а тоа мора да биде направено со усвојување на подзаконски акти кои ќе наметнат цена на надоместот за сопствениците кои ги чуваат нафтените резерви, истакна Копач.

Нафтените компании воз емјава, Окта, Лукоил и Макпетрол од поодамна бараат да им с еплаќа надомест за тоа што ги чуваат државните резерви на нафта. Фактор веќе пишуваше дека Македонија е единствена земја во која не се плаќа компензацијата, туку со посебна уредба чуварите може да користат 30 отсто од резервите. Во моментов во Министерството за финансии има работна група која работи на подзаконските акти и како што веќе објавивме се договара цената. Владата, според наши сознанија преговара надоместокот да биде што помал.