Добивај вести на Viber
Владината одлука е да се плаќа по 5 евра за секој автомобил што од Косово ќе влезе во Македонија, плус по 2 евра за секој патник. За камионите и автобусите се наплаќа по 10 евра, како и по 2 евра за секој патник. Фактор утрото јави дека на владина седница копјата се кршеле околу тоа какви мерки да бидат превземени за да се возврати на ударот на Косово. Мерката стартува вечерва на полноќ, доколку во меѓувреме Косово не се јави со реакција, односно не ги укине мерките што ги воведе кон Македонија.
Токму затоа, според сознанијата на Фактор, разгледувана била опцијата да се воведат такси за сите косовски државјани за влез на територијата на Македонија. Но, освен за косовските државјани, било предложено дополнителни давачки да се наплаќаат и за секој автомобил, автобус, или камион. А, висината на давачките што Македонија би ги наплаќала дополнително би се утврдила, но според првичната идеја ќе се движат до 20 евра по лесно возило, односно кмби, а многу повеќе за автобуси.
На седница на Владата биле разгледани и уште неколку опции за воведување на нови царински давачки, кои ќе се однесуваат за увоз на производите од Косово.
Македонија во континуитет има трговски суфицит во размената со Косово. Бројките покажуваат дека од 2009 година до 2011 година трговската размена и извозот на Косово е во постојан пораст. Но веќе во 2012 се забележува пад во трговската размана и извозот на македонските порозводи на косовскиот пазар. Падот во размената е очигледен и во првите седум месеци до годинава.
Според податоците на Државниот завод за статистика, во 2009 година трговската размена меѓу двете земји изнесувала 324 милиони долари, од кои 314 милиони долари се извоз од Македонија во Косово, а близу 10 илјади долари се увоз од Косово во Македонија.
Како ќе реагира Косово се уште не се знае.