Косовската претседателка пред Фон дер Лајен побара да бидат тргнати санкциите за Косово
Објавено во: Балкан 26 Октомври, 2024 15:42
Косовската претседателка Вјоса Османи рече дека Европската Унија треба да ги признае достигнувањата на Косово и да ги отстрани казнените мерки против земјата, на заедничка прес-конференција денеска во Приштина со претседателката на ЕК Урсула фон дер Лајен, која е на турнеја низ Западен Балкан.
„Крајно време е еднаш засекогаш да се отстранат неправедните мерки кон Косово. Освен што се нефер, овие мерки им штетат на граѓаните и на процесот на дијалог (за нормализирање на односите со Србија), како што го направи целосно неурамнотежен, нееднаков и неверодостоен“, рече претседателката на Косово.
На крајот на јуни 2023 година, Европската унија воведе казнени мерки против Приштина во врска со настанатите тензии по инаугурацијата на албанските градоначалници во четири општини на северот на Косово, главно населени со Срби.
Мерките вклучуваат и привремен прекин на работата на мешовитите комисии ЕУ-Косово врз основа на Спогодбата за стабилизација и асоцијација и замрзнување на поканите за состаноци на високо ниво и суспензија на билатерални посети, со исклучок на оние кои се однесуваат на справување со кризата во Косово.
Можеби ќе ве интересира
„МИНИСТЕРОТ НЕ ЗЕМА НИТУ ДИНАР“ Вучиќ: Обвинението против Селаковиќ е срамно и безобразно
„Њујорк тајмс“: Фирмата на зетот на Трамп - Кушнер се повлекува од договорот за изградба на хотел во Србија
Граничниот премин Богородица затворен за сообраќај
Потврден случај на лепра во Хрватска: Почната е задолжителна постапка за вакцинација
Во времето на Тито, за некој овие пари беа една плата: Никој не успеал да ја фалсификува „сивата гулабица“, а еве која е мистериозната жена од банкнотата
Голем пожар во Хрватска; На местото на настанот беа повеќе од 60 пожарникари, се слушаа експлозии
