Добивај вести на Viber
Костадин Костадинов, портпаролот на СДСМ, објави дека ќе ја донира својата следна пратеничка плата за поддршка на социјално ранливи семејства и ги повика другите пратеници да направат таков обид.
„Еден од темелите на мојата социјалдемократска идеологија е солидсрноста. Доаѓа време на среќни моменти, моменти кога треба да бидеме со семејствата, да земеме воздишка од сиот товар кој ни го носи секојдневието.
За жал корона кризата погоди многу семејства, сметам дека не е време само за гола критика, туку време за обединување, време за на дело да покажеме дека сме луѓе, време за разбирање и подавање рака. За таа цел мојата декемвриска плата ќе оди за поддршка на социјално ранливи семејства, кои имаат потреба од сите нас кои можеме да си овозможиме понормален живот.
Знам дека ова е можеби само капка во море, но доколку сите дадеме реален придонес, ќе го максимализираме ефектот, важно е да направиме чекор“, напиша Костадинов на Фејсбук.
Во октомври тој објави дека од неговата плата ќе купи три лап топ компјутери за семејства кои имаат потешкотии да обезбедат соодветна онлајн настава за своите деца. Претходно, пролетта соопшти дека се откажува од пратеничката плата, односно дека ќе ја донира во справувањето со епидемијата од корона-вирусот. Според влчадината уредба, платата требаше да биде минимална од 14.500 денари тогаш за државните функционери, но тоа го укина судот.