Ковачев бара јавно да бидат објавени македонските граѓани кои добиле бугарски државјанства

Добивај вести на Viber

Бугарскиот европратеник Андреј Ковачев бара јавно да бидат објавени македонските граѓани кои поседуваат бугарски државјанства. 

Тој повика на итно усвојување на измените на Законот за бугарско државјанство.

„Во моментов, Законот за бугарско државјанство е нејасен и не обезбедува соодветно признавање на бугарската заедница во Северна Македонија“, рече Ковачев, според „БНР“.

Тој додаде дека нацрт-законот предвидува некои лични податоци на лицата кои добиле бугарско државјанство да бидат јавно објавени, што укажува дека тие се самоидентификувале како Бугари.

„Ова исто така ќе помогне да се утврди големината на бугарската заедница во Северна Македонија и лицата кои имаат бугарски документи за идентификација“, нагласи Ковачев.

Ковачев рече дека во Министерството за правда ќе биде креиран јавен регистар со ограничени податоци за името и живеалиштето на лицето кое аплицирало и добило бугарско државјанство.

Според него, во Министерството за правда ќе се создаде јавен регистар со ограничени податоци за името и местото на живеење на лицето кое аплицирало и добило бугарско државјанство. 

„Во однос на Македонија, нивниот број е над 180 илјади, а во моментов над 20 илјади се уште се во процес на обработка. Вие самите дојдовте доброволно и изјавивте: „Еве ги моите баба, дедо се Бугари. Еве ги документите што покажуваат учество во бугарската егзархија, војска и училишта. Јас потпишав изјава дека се чувствувам како етнички Бугарин и врз основа на ова добив бугарско државјанство“, рече Ковачев. 

Претходно, имаше тврдења дека 216.000 македонски државјани поседуваат бугарски пасоши.