Ковачевски: Нема да се враќаат пари од субвенционираната струја, договорот беше џентлменски
Објавено во: Економија 20 Март, 2023
Премиерот Димитар Ковачевски на денешната прес-конференција како одговор на новинарско прашање рече дека нема од производителите на храна да се бараат назад буџетските пари дадени за субвенционирана електрична енергија на слободниот пазар за 80 евра по мегаватчас.
Владата по три месеци одлучи да ја прекине предвремено оваа мерка, затоа што се покажало дека 85 отсто од компаниите не поевтиниле, иако се очекувало тоа да биде барем 10 отсто. Ковачевски рече дека станувало збор за неформален џентлменски договор со стопанската комора и затоа нема да има казнување или барање на поврат на средствата.
- Во држава во која владее демократија, мерките се носат со договори со стопански комори или се носат врз основа на законски решенија кога се работи за ограничување на цени, или за ограничување на акцизи, даноци итн., вели Ковачевски.