Добивај вести на Viber
Состојбата на патиштата во Унгарија се поправа, по повеќе од 30 часа снежна бура. Спасувачките екипи згрижиле повеќе од 13.000 луѓе, меѓу кои неколку стотици се од Србија и Хрватска.
Во 495 објекти се сместени околу осум илјади луѓе, а ослободени се 3.500 возила.
Од автобус со патници од Србија со хеликоптер е евакуирано пет месечно бебе, а учениците од Математичката гимназија од Сенте се префрлени и сместени во местото Татабања, 55 километри од Будимпешта.
На расчистување на патиштата работат сите унгарски и австриски служби. Илјадници луѓе беа приморани да ја минат ноќта во своите возила, откако беа завеани од снежната бура на една од главните сообраќајници во Унгарија.
Итните служби соопштија дека ветерот достигнал 100 километри на час.
Снегот ги блокираше главните патишта во земјата и остави над 100.000 луѓе без струја