Кралството Мароко го лансира сателитот Мохамед VI – Б
Објавено во: Мои пари 21 Ноември, 2018
Денеска Кралството Мароко го лансира сателитот Мохамед VI-B, во Куру, Француска Гвајана. Станува збор за сателит за снимање на Земјината површина кој е развиен од конзорциумот Талес Алениа Спејс како главен носител на проектот, во соработка со Ербас. Овој сателит е дел од вселенската програма одобрена од Неговото Височество Кралот Мохамед VI а ќе биде однесен во орбитата со помош на вега ракета од вселенскиот центар во Гвајана.
Ова е вториот сателит од програмата Мохамед VI - А и Б (сателитот Мохамед VI – А беше лансиран од страна на Арианспејс на 7 ноември, 2017 година) со што ќе се заокружи проектот Мохамед VI.
Двата сателита, А и Б, ќе бидат комплементарни и ќе обезбедат подобра покриеност на земјишните површини. Сателитот Мохамед VI-Б ќе се користи за картографски и катастарски работи, просторно планирање, следење на земјоделските активности, превенција и управување со природни катастрофи, следење на промените и сушите во животната средина.