23 Мај, 2024
0.0297

Азески го прими раководството на „Бехтел и Енка“

Објавено во: Мои пари 15 Мај, 2024

Добивај вести на Viber

На 14.05.2024 година раководството на „Бехтел и Енка“ оствари средба со претседателот на Стопанската комора на Северна Македонија, Бранко Азески и неговите соработници.

На состанокот, кој е реализиран на иницијатива на претседателот Азески, заеднички беа истакнати следните поенти:

1.Азески и раководството на „Бехтел и Енка“ разговараа за динамиката за остварување на планираните активности. Притоа од страна на претседателот Азески беше потенцирано дека за нас е многу значајно да завршат на време сите планирани активности бидејќи реализацијата на овој круцијален и најголем инфраструктурен проект е значаен не само за нашата држава туку и за целиот регион па и пошироко.

2.Од страна на раководството на „Бехтел и Енка“ беше подвлечено дека тие во моментот интензивно работат на сите подготвителни работи и теренски истражувања кои се важни за реализација на активностите и дека се во постојана соработка и координација со домашните надлежни институции во врска со тие активности.

3.„Бехтел и Енка“ побара поддршка од Стопанската комора на Северна Македонија во насока на обезбедување на работна сила која за целиот планиран период додека ќе трае реализација на проектот треба да достигне бројка од 4.000 работници (квалификуван кадар-инженери и сл. како и неквалификуван кадар-општи работници).

4.Стопанската комора на Македонија ќе поддржи секакво решение што ќе значи побрза и поквалитетна активност при реализација на овој проект (Коридорите 8 и 10д) со оглед на фактот дека сметаме дека ова е најзначаен инфраструктурен проект во наредните 10 години.

5.Двете страни се договорија и понатаму да ги продолжат контактите со засилено темпо со што би се олеснила реализацијата на овој проект. Во овој дел Комората стои на располагање и во изнаоѓање односно вмрежување со локалните домашни компании кои треба максимално да бидат вклучени при реализација на активностите во сите фази.

Компанијата “Бехтел” е најголемиот американски контрактор по приходи, додека глобално како фирма се рангирани како трети. Имаат 54.000 вработени во речиси 40 земји. Градат големи инфраструктурни проекти ширум светот, а во регионот ги градеа автопатите во Косово, Албанија, потпишаа договор за „Моравскиот коридор“ во Србија.

“Бехтел” е основана во 1898 година од страна на Ворен Бехтел од САД. Листата на проекти што ги гради оваа компанија е многубројна. “Бехтел” има изградено повеќе од 27.700 км пат, 390 електрани, 50 хидроелектрични централи, работеле на 300 проекти за метро и железница, 80 проекти за пристаништа и 96 големи аеродромски проекти. “Бехтел” од 1898 година до денес има направено повеќе од 25.000 проекти во 160 земји на сите седум континенти кои создаваат работни места, ги подобруваат економиите, ја подобруваат отпорноста на светската инфраструктура, го зголемуваат пристапот до енергија и ресурси.

Компанијата “Енка” е основана во 1957 година. Евиденцијата покажува дека, досега, “Енка" добила 577 проекти со вкупна договорна вредност од 61,5 милијарди американски долари во 54 земји. “Енка” брои над 20.000 инженерски и градежни персонал, а градежната опрема и машинскиот парк се состои од над 4.000 машини.

Заедничкото вложување (Joint Venture) "Бехтел-Енка" во своето портфолио може да се пофали со активности во Балканот уште од 1990-тите години и во овој дел на регионот и пошироко бележат успешна реализација на големи инфраструктурни проекти како што се автопатиштата во Албанија, Косово, Србија, Хрватска, Турција и Романија. Заедно, "Бехтел-Енка" имаат изградено повеќе од 28.000 километри автопати и патишта, 100 тунели и 26 големи мостови.


Можеби ќе ве интересира

20 години Вински витези во Македонија

20 години Вински витези во Македонија

Во ОКТА отворен првиот тренинг-центар за гасење пожари од нафтени деривати

Во ОКТА отворен првиот тренинг-центар за гасење пожари од нафтени деривати

Никола Николиќ: „Атакама“ е книжевна метафора за пустините во сите нас

Никола Николиќ: „Атакама“ е книжевна метафора за пустините во сите нас

НЛБ Склади влезе на македонскиот пазар со преземањето на Генерали Инвестментс АД Скопје

НЛБ Склади влезе на македонскиот пазар со преземањето на Генерали Инвестментс АД Скопје

Во услови на очекуван пад на каматите, сегашниот момент е вистинско време за штедење

Во услови на очекуван пад на каматите, сегашниот момент е вистинско време за штедење

Economic Watch: Туристичкиот бум обезбедува траен моментум на кинеската економија

Economic Watch: Туристичкиот бум обезбедува траен моментум на кинеската економија

AI Tech Summit повторно во Скопје

AI Tech Summit повторно во Скопје

СКОПСКО ВЕ ПОВИКУВА НА ГОЛЕМА ЕКО-АКЦИЈА ВО ОХРИД!

СКОПСКО ВЕ ПОВИКУВА НА ГОЛЕМА ЕКО-АКЦИЈА ВО ОХРИД!

Висок раст на профитот и силни перформанси во сите сегменти

Висок раст на профитот и силни перформанси во сите сегменти