Кратка приказна: Што е богатство?
Објавено во: Стил 26 Мај, 2014
Еден многу богат човек, одлучил на неговиот син да му покаже што е сиромаштија и како би го ценел богатството кое го има. Го однел во некое сиромашно селско семејство со многу деца. Таму поминале два дена.
„И, ја виде ли сега разликата помеѓу богатството и сиромаштијата“ - го запрашал таткото синот кога се вратиле дома.
„Да. татко!“ - одговорило момчето.
„Јас сум единец, а тие деца имаат браќа и сестри.
Ние пред куќа имаме базен, а тие имаат река во која можат да пливаат и да ловат риба.
Ние имаме клима во куќата, а тие само ги отворат прозорите и им струи ладно од сенката на дабовите дрвја и река.
Ние за птиците гледаме на телевизија, а нив вистинските птици им слетуваат на прозорот.
Ние имаме пес, а тие стадо овци.
Да, татко, научив што е богатство. И жал ми е што и ние не сме толку богати.“