Кристалина Георгиева: Растена во село во комунизмот, без образовно педигре, до лидер на ММФ

Добивај вести на Viber

Бугарската економистка Кристалина Георгиева е кандидат на ЕУ ​​за раководство на Меѓународниот Монетарен Фонд, на местото на Кристин Легард, по долгогодишно служење во Агенцијата за фондови. Западниот блок доминира кога се одлучува за тоа кој да биде прв човек на оваа финансиска институција и се верува дека веќе е постигна консензус токму оваа не толку позната политичарка од Источна Европа да ја превземе важната функција.

Георгиева (65) е централно-десничарска политичарка која порасна во Бугарија под комунизмот. Таа се искачуваше стабилно во редовите на хиерархијата на Светската банка сè додека не стана извршен директор во 2017 година, по седум години во Брисел, како комесар за меѓународна соработка за буџетот на заедницата.

Во својот твитер профил, со црно-бела фотографија од семејството, таа дури и коментираше: „Бабите и дедовците имаа многу малку образование. Моите родители завршија средно училиште. Јас бев првиот во поширокото семејство што се стекнав со титула доктор на науки. Од бугарско село до извршен директор на Светската банка “, напиша Георгиева во една прилика на социјалните мрежи пред повеќе од една година.

Името на Георгиева е „познато“ за многу други европски работни места во последните години: Таа беше кандидат за Обединетите нации во 2016 година, додека минатиот месец нејзиниот случај беше разгледан и од Европската комисија и од Европскиот совет.

Нејзината кандидатура за врвот на ММФ беше сметана од многумина како обид да се смират државите од Источна Европа, бидејќи ниту еден претставник на поранешниот Источен блок не беше назначен за една од првите позиции на ЕУ од изборите во мај годинава.

На Георгиева се гледа како човек „со интегритет и директност во нејзиниот пристап“, коментира Ројтерс, додавајќи дека во Светската банка, бугарската економистка успеала да изгради репутација во одбраната на човековите права, како и борбата против климатските промени.

Повеќето европски земји ја поддржаа Георгиева иако нејзината кандидатура ќе мора да помине низ промена на правилата на Меѓународниот монетарен фонд, за што се бара новиот извршен директор да има 65 години на денот кога ќе ја преземе функцијата.

Како и да е, како што изјави еден официјален претставник на Ројтерс, поддршката на европските држави и на САД ќе биде доволна за да се надмине пречката за една организација која традиционално ја води западниот блок.

Истиот извор рече дека Франција, која е водечка на европско ниво во процесот на избор на кандидати, веќе ја обезбеди согласноста на Вашингтон.