Кристијано Роналдо - шампион со менталитет на 12-годишен
Објавено во: Спорт 13 Октомври, 2016
Кристијано Роналдо има непоколеблива верба во себе и тоа е во основата на неговата извонредна кариера. Тоа го изјави неговиот поранешен соиграч во Манчестер Јунајтед, Мадс Тим.
- Тој е целосен егоист и тоа му помага на теренот, вели Тим во својата автобиографија наречен „Црвен ѓавол“.
Мадс Тим беше фудбалер на Јунајтед во текот на 6 години (2000-2006 година), но одигра само еден натпревар за првиот тим против Макаби Хаифа во Лигата на шампионите, а потоа помина периоди на изнајмување во Викинг, Лин и Волсол, пред да го напушти тимот.
Данецот можеби и не оствари извонредна кариера на „Олд Трафорд“, но долго време бил во иста соблекувална со Роналдо и добро го познава неговиот карактер, пишуваат таблоидите во Англија.
- Тој е целосно рамнодушен кон тимската игра. Кај него сѐ е „јас, јас, јас“. Дури и денес, по толку многу успеси и голови, тој сѐ уште се лути кога негов соиграч ќе постигне гол наместо него. Психата му е како на 12- годишен. Но тој не се грижи што мислат луѓето за него, вели уште 31-годишниот Тим, кој сега е играч-тренер на данскиот Кертеминде.
- Кристијано Роналдо беше тотално различен од мене. Јас ја мразев атмосферата во Манчестер, а на него ништо не му влијаеше. Тој беше толку фокусиран на себе и тоа му помагаше на теренот, вели уште Тим.
* Наградата се доделува на котирано друштво, избрано со гласање преку онлајн анкета на веб страниците на Берзата и интернет порталот „Фактор“, кој е партнер на Берзата во доделувањето на оваа награда. Гласањето се врши паралелно на двете веб страници и акцијата на издавачот што ќе има најмногу гласови од двете анкети збирно, ќе биде прогласена за Акцијата на годината по избор на јавноста за 2024 година.
Предмет на анкетата е листа од десет котирани акции, избрани врз основа на остварениот промет и транспарентноста во нивното работење.
