Кризата ги менува празничните навики на Хрватите

Добивај вести на Viber

Куповните навики во Хрватска се менуваат на големо, кризата удри и по нивната софра, по начинот на украсените домови, и подароците кои овие Хрватите ги купуваат за своите најблиски за време на  празниците. Голем дел од граѓаните на оваа земја на прашањето колку ќе потрошат за Божиќ одговараат дека нивната потрошувачка кошничка ќе има помалку намирници од вообичаено. -Многу помалку за разлика од минатата година, помалку сто посто, ќе потрошам само 100 куни, велат граѓани. За традиционалниот Божиќен ручек и Бадник веќе со години се троши од 300 до 600 куни, но од секторот за трговија во Хрватска според досегашното  искуство сметаат дека сепак граѓаните нема да можат да одолеат на намирниците кои секоја година се дел од нивните приоритети. -Хрватскиот народ најмногу го сака Божиќ, односно божиќната трпеза, тие никако нема да можат да одолеат таа да биде најдобро и најбогато подготвена, истакнува Директорката од  Секторот за трговија. Веќе со години декемвриските пазарувања на граѓаните на Хрватска се отплаќаат на месечни рати, а поучени од минатогодишното искуство со картица плаќаат доколку не носат готовина со себе.