Кризата во Европа и САД ја уништува азиската економија

Добивај вести на Viber

Азиската банка за развој (АДБ) ја намали  прогнозата за економскиот раст за Азија за 2012, предупредувајќи дека економските проблеми во Европа и САД им штетат на земјите во развој. Банката сега предвидува дека економијата на Азија, со исклучок на Јапонија, ќе се зголеми за 6,1 наместо за 6,6%  како што беше најавено во јули. Исто така се предвидува дека инфлацијата ќе биде 4,2 %, наместо претходната проекција од 4,4%.АДБ предупреди дека азиските земји мора да ја намалат зависноста од извозот како главна причина за забавувањето на растот на Кина и Индија, двете најголеми економии во регионот. Кинеската економија исто така, годинава треба да расте за 7,7 % или  8,1 % во 2013 година. Минатата година земјата забележа раст од дури  9%.Во Индија економскиот раст оваа година ќе забави на 5,6 проценти, но идната повторно ќе забрза на 6,7 %.Од  АДБ предупредуваат дека постои голем ризик за тековните предвидувања поради должничката криза во еврозоната и фискални проблеми во САД. Податоците објавени оваа недела ги поддржаа мрачните прогнози АДБ. Кинеската индустрија во септември паѓа  втор месец по ред,  во Јапонија расте песимизмот во бизнис круговите, додека во  Јужна Кореја се бележи забележителен пад на извозот.