Кризата во Кипар ги уништува шпанските банки

Добивај вести на Viber

Тоа што последната година се случуваше во шпанскиот банкарски систем беше вистински напад врз банките и инвеститорите. Прво Италија, а потоа и Кипар го изместија фокусот на пазарите во Мадрид. Кипарската криза сепак повторно ја враќа на дневен ред темата за тоа колку колку кревка може да биде шпанската економија, а истовремено го „јаде" и времето за реакција на банкарскиот сектор. Плановите за спас на Кипар потресоа целата еврозона, тензиите повторно ги поскапеа кредитите. „Ова може да има сериозни последици за Шпанија", коментира аналитичарот на „USB“, Стефан Дио за  „CNBC“ и додава дека шпанските банки тешко ќе успеат да ги рефинансираат своите долговите, откако инвеститорите поставија висока цена на ризикот. Кредитирањето за бизнис ќе биде погодено, предупредува Дио, а посочува и дека е можно владата да биде приморана дополнително да ги намали трошоците што повторно ќе удри по грбот на граѓаните. Затоа, препорачува Дио, неопходно е Европската централна банка да анализира ситуацијата. „Кога правите фискални прилагодувања додека во исто време имате кредитен колапс, економијата ќе биде тешко засегната, а ефектот од фискалните ограничувања нема да биде оној посакуваниот“, додава аналитичарот. Во четвртокот претседателот на ЕЦБ Марио Драги веќе објави дека банката нема да го компензира недостатокот на капитал во европскиот банкарски систем. Тоа веднаш предизвика пад на акциите на банките.