„КРВАВИ ПАКЕТИ“ СО ЖИВОТИНСКИ ОЧИ - украинските амбасади ширум Европа добија морничави пратки

Добивај вести на Viber

„Крвави пакети“ со животински очи биле испратени до голем број украински странски амбасади, соопштија властите во Киев, а пренесува Скај њуз.

Пакети натопени во „карактеристично обоена“ течност беа испратени до амбасадите во Киев во Унгарија, Холандија, Полска, Хрватска и Италија. Тие беа примени и од генералните конзулати во Неапол и Краков.

За потсетување, оваа недела во Шпанија беа откриени неколку писма-бомби, вклучително и канцеларијата на шпанскиот премиер, украинската амбасада и компанија за оружје што ја снабдува Украина.

Нејасно е дали инцидентите се поврзани, но се чини дека двете писма испратени до Шпанија дошле од ист испраќач - бидејќи на пакетот била пронајдена идентична адреса на е-пошта, пренесува „Јутарњи лист“.

Опсада во Бохемија

Чешката полиција денеска ја блокираше улицата во градот Брно каде се наоѓа конзулатот на Украина, откако беше откриена сомнителна пратка.

Пратката што беше испорачана во конзулатот наликува на неодамнешната бомба испратена до дипломатската мисија на Украина во Шпанија.

Според чешката полиција на Твитер, пратката во моментов се проверува.

Евакуирани се вработените во конзулатот, а затворени се сите околни улици, а евакуирана е и блиската градинка.

Чешката полиција ги повика вработените во сите дипломатски претставништва и производители на оружје да ги зголемат безбедносните мерки.