Кумуцакос има повеќе барања за да се реши името
Објавено во: Балкан 30 Јануари, 2018
Oдговорниот за надворешна политика во опозициската, Нова демократија Јоргос Кумуцакос вели дека за да се реши името потребно е елиминирање на иредентизмот, име прифатено од Грците, име за севкупна употреба и промена на македонскиот Устав.
По средбата со медијаторот, Метју Нимиц тој вели дека брифингот за жал, не ја намалил загриженоста на опозициската партија.
„Решението треба да биде едно и неделиво и да предвидува: Прво, елиминирање на сите форми на иредентизам од соседната земја. Второ, име прифатено од Грците и трето усвојување на името за севкупна употреба и од сите. Очигледно е дека единствена гаранција за сѐ ова е промената на скопскиот Устав“ - вели Кумицакос.
Нимиц утре доаѓа во Скопје.