Куп тестови за новите полицајци – кој ќе добие државна работа?!

Добивај вести на Viber

Во полн ек е тестирањето за прием на новите полициски службеници. Работа ќе добијат само  400 од пријавените  5.503 лица на конкурсот. Од нив 820 се жени. Како што посочи министерката за внатрешни работи Гордана Јанкулоска, за најдобрите кандидати ќе има едногодишната обука. По обуката, само 400 ќе добијат договор за работа во полиција. „Ќе водиме посебно внимание за правичната застапеност и од аспект на етничката, но и од аспект на родовата застапеност. Очекуваме дека на крајот на процесот на селекција ќе добиеме квалитетна група“, изјави Јанкулоска која ги посети кандидатите во текот на проверките на нивните моторички способности. Според министерката, во просек по 20 % од пријавените успешно ја минуваат првата фаза од тестовите кои се изведувааат во касарната Ѓорче Петров .Услов за понатаму е да направат минимум 60 стомачни склекови, 55 градни склекови, да истрчаат  3.200 метри за 13,30 минути. За мажите се предвидени и по 10 згибови на вратило. Олеснувања има за жените кај  бројката на градни склекови која измесува 27. По ова кандиатите решаваат општообразовен и психолошки тест, па одат на интервју. На крај ги чекаат здравствените прегледи.